Yuzvendra Chahal: టీం ఇండియాలో ఛాన్స్ రాకపోవడంతో విదేశీ జట్టులో చేరిన స్టార్ ప్లేయర్

Yuzvendra Chahal: భారత స్టార్ లెగ్ స్పిన్నర్ యుజ్వేంద్ర చాహల్ చాలా కాలంగా అంతర్జాతీయ క్రికెట్ ఆడడం లేదు. చాహల్ 2023 సంవత్సరంలో టీమ్ ఇండియా తరపున తన చివరి మ్యాచ్ ఆడాడు. అయితే, తను 2024 టీ20 ప్రపంచ కప్ విజేత జట్టులో సభ్యుడు. కానీ ఈ టోర్నమెంట్‌లో కూడా అతను బెంచ్ మీద కూర్చున్నాడు. ఇప్పుడు అతను ఐపీఎల్ 2025 సమయంలో ఆడుతున్నట్లు కనిపిస్తాడు. దీనికి ముందు, యుజ్వేంద్ర చాహల్ ఒక కీలక నిర్ణయం తీసుకున్నాడు. ఈ లీగ్ ముగిసిన వెంటనే తను క్రికెట్ ఆడడానికి విదేశాలను వెళ్తున్నాడు. దీని కోసం తను ఒక జట్టుతో ఒప్పందం కుదుర్చుకున్నాడు.

ఇంగ్లాండ్‌లో జరిగే కౌంటీ ఛాంపియన్‌షిప్‌లో ఆడటానికి యుజ్వేంద్ర చాహల్ మరోసారి రెడీగా ఉన్నాడు. చాహల్ 2025 సీజన్‌లో నార్తాంప్టన్‌షైర్ తరపున ఆడడం కనిపిస్తుంది. తను ఇంతకు ముందు కూడా ఈ జట్టు తరఫున ఆడాడు. అతని ఒప్పందం జూన్ నుండి 2025 సీజన్ చివరి వరకు ఉంటుంది. ఈ సమయంలో తను కౌంటీ ఛాంపియన్‌షిప్, వన్డే కప్‌లకు అందుబాటులో ఉంటాడు. అంతకుముందు, తను 2023 సంవత్సరంలో ఈ క్లబ్‌లో చేరాడు. ఆ తర్వాత అతను నాలుగు మ్యాచ్‌ల్లో 21.10 సగటుతో 19 ఛాంపియన్‌షిప్ వికెట్లతో నార్తాంప్టన్‌షైర్‌ను డివిజన్ టూలో నాల్గవ స్థానానికి చేర్చాడు. క్లబ్ తరపున తన లిస్ట్ A అరంగేట్రంలో తను కెంట్‌పై 14 పరుగులకు 5 వికెట్లు పడగొట్టాడు.

నార్తాంప్టన్‌షైర్‌లో మళ్లీ చేరడం గురించి యుజ్వేంద్ర చాహల్ మాట్లాడుతూ, ‘‘గత సీజన్‌లో నేను బాగా ఎంజాయ్ చేశాను , నేను తిరిగి వచ్చినందుకు చాలా సంతోషంగా ఉన్నాను. ఆ డ్రెస్సింగ్ రూమ్‌లో కొంతమంది గొప్ప వ్యక్తులు ఉన్నారు. నేను మళ్ళీ దానిలో భాగం కావడానికి వెయిట్ చేయలేను. సీజన్ చివరిలో గొప్ప మ్యాచ్ లో, కాబట్టి దానిని మళ్లీ పునరావృతం చేసి కొన్ని పెద్ద విజయాలు సాధించగలమని ఆశిస్తున్నాను.’’ అన్నారు.

మరోవైపు, నార్తాంప్టన్‌షైర్‌కు ఇటీవల నియమితులైన ప్రధాన కోచ్ డారెన్ లెమాన్ మాట్లాడుతూ.. ‘‘ప్రపంచంలోని అత్యుత్తమ లెగ్ స్పిన్నర్లలో ఒకరు. ఈ సీజన్‌లో నార్తాంప్టన్‌షైర్‌కు తిరిగి వస్తున్నందుకు నేను నిజంగా సంతోషిస్తున్నాను. అతను ఆటను ప్రేమించే వ్యక్తి. జూన్ మధ్య నుండి సీజన్ ముగిసే వరకు అతను అందుబాటులో ఉండటం మాకు చాలా బాగుంటుంది.’’ అని అన్నారు.