Video: బస్సు దిగి ఫ్యాన్స్‌ మధ్య నుంచి పరుగెత్తిన రోహిత్.. ఎందుకో తెలుసా? వైరల్ వీడియో..

Rohit Sharma Viral Video: టీ-20 ప్రపంచకప్ గెలిచిన తర్వాత భారత క్రికెట్ జట్టు తొలిసారిగా దేశంలో అడుగు పెట్టగానే, క్రికెట్ అభిమానులు తమ ఛాంపియన్‌లకు ఘన స్వాగతం పలికారు. ముందుగా ఢిల్లీ, ఆ తర్వాత ముంబై, రెండు పెద్ద నగరాల్లోనూ అభిమానులు భారీగా తరలివచ్చారు. కెప్టెన్ రోహిత్ శర్మ, ఇండియా చా రాజా రోహిత్ శర్మ అంటూ అభిమానులు నినాదాలు చేశారు. వీటన్నింటి మధ్య రోహిత్ శర్మ వీడియో ఒకటి సోషల్ మీడియాలో వైరల్ అవుతోంది.

టీమ్ ఇండియా రోడ్ షో ముంబైలో జరిగింది. ఈ క్రమంలో ఆటగాళ్లు బస్సు రూఫ్‌పై ఎక్కి ముంబై వీధుల్లో తిరిగారు. ఇంతలో కెప్టెన్ రోహిత్ శర్మ లక్షల మంది జనం మధ్య బస్సు దిగి పరుగు పరుగున డ్యాన్స్ చేస్తూ స్టేడియానికి చేరుకున్నాడు. మిగిలిన బృందం బస్సులోనే ఉండిపోయింది. రోహిత్‌కు సంబంధించిన ఈ వీడియో వైరల్‌ అవుతోంది.

రోహిత్ స్పీచ్ విని భావోద్వేగానికి గురైన హార్దిక్..

జులై 4, గురువారం వాంఖడే స్టేడియంలో రోహిత్ శర్మ చేసిన ప్రసంగాన్ని విని భారత ఆల్ రౌండర్ హార్దిక్ పాండ్యా ఏడ్చాడు. భారత్ టీ20 ప్రపంచకప్ 2024 విజయోత్సవ వేడుకల సందర్భంగా శర్మ మాట్లాడుతూ, టైటిల్ విజయానికి హార్దిక్ పాండ్యాకు ఘనత ఇచ్చాడు. పాండ్యా డేవిడ్ మిల్లర్‌ను ఔట్ చేయడంలో కీలక పాత్ర వహించాడు. దీంతో భారత ఖాతాలో మరో ట్రోఫీ చేరిందంటూ చెప్పుకొచ్చాడు. దీంతో హార్దిక్ పాండ్యా భావోద్వేగానికి గురయ్యాడు.