స్మార్ట్ ఫోన్ రంగంలో సరికొత్త టెక్నాలజీని పరిచయం చేసిన షియోమీ ఇప్పటికే మొబైల్ మార్కెట్లో తనకంటూ ప్రత్యేకతను చాటుకుంది. షియోమీ నూతన స్మార్ట్‌ఫోన్ రెడ్‌మీ నోట్ 6 ప్రొ ను ఈ నెల 22వ తేదీన విడుదల చేయనుంది. మరుసటి రోజు.. అంటే. ఈ నెల 23వ తేదీ నుంచి ఈ ఫోన్ విక్రయాలు ప్రారంభం కానున్నట్టు షియోమీ సంస్థ తెలిపింది. షియోమీ రెడ్‌మీ నోట్ 6 ప్రొ ఫీచర్లు ఇలా ఉన్నాయి.. 6.26 అంగుళాల ఫుల్ హెచ్‌డీ ఐపీఎస్ ఎల్‌సీడీ డిస్‌ప్లే, 4జీబీ ర్యామ్, 64 జీబీ ఇన్‌బిల్ట్ స్టోరేజీ, 12+5 మెగాపిక్సల్ డ్యూయల్ రియర్ కెమెరా, 20+2 ఎంపీ ఫ్రంట్ డ్యూయల్ కెమెరా, ఆక్టాకోర్ క్వాల్‌కామ్ స్నాప్‌డ్రాగన్ 363 ఎస్ఓసీ, 4,000 ఎంఏహెచ్ బ్యాటరీ సదుపాయం ఉన్నాయి. కాగా ఈ ఫోన్ ధర రూ.15,300 ఉండే అవకాశం అవకాశమున్నట్టు మార్కెట్ వర్గాలు అంచనా వేస్తున్నాయి.