ముత్యాల ముగ్గు సినిమాలోని ఏదో ఏదో అన్నది..ఈ మసక వెలుతురు పాట మీరు విన్నారా! ఈ పాటకు ఆరుద్ర గారు సాహిత్యాన్ని అందించగా, కె.వి.మహదేవన్ గారు స్వరపరచగా, వి.రామకృష్ణ గారు ఆలపించగా, శ్రీధర్ మరియు సంగీతలు అభినయించారు. ఈ పాట అప్పట్లో చాల పాపులర్ అయిన ఒక పాట.
పల్లవి:
ఏదో ఏదో అన్నది ...ఈ మసక వెలుతురు...
గూటి పడవలో విన్నది.... కొత్త పెళ్లికూతురు..
ఏదో ఏదో అన్నది ...ఈ మసక వెలుతురు...
గూటి పడవలో విన్నది.... కొత్త పెళ్లికూతురు..
చరణం1:
ఒదిగి ఒదిగి కూర్చుంది బిడియ పడే వయ్యారం....
ముడుచుకునే కొలది మరీ మిడిసిపడే సింగారం
సోయగాల విందులకై వేయి కనులు కావాలి
ఉ ఉ ఉ ఊ... ఉ ఉ ఉ ఊ ఊ.. ..ఏదో ఏదో అన్నది ...ఈ మసక వెలుతురు...
గూటి పడవలో విన్నది.... కొత్త పెళ్లికూతురు.
చరణం2:
నింగిలోని వేలుపులు ఎంత కనికరించారో...
నిన్ను నాకు కానుకగా పిలిచి కలిమినొసగేరు...
పులకరించు మమతలతో పూల పాన్పు వేశారు!
ఉ ఉ ఉ ఊ... ఉ ఉ ఉ ఊ ఊ.. ..ఏదో ఏదో అన్నది ...ఈ మసక వెలుతురు...
గూటి పడవలో విన్నది.... కొత్త పెళ్లికూతురు....
ఈ పాట ఇప్పటివరకు మీరు వినకుంటే ఒకసారి వినండి, బహుశ మీకు నచ్చవచ్చు.శ్రీ.కో.