Wings EV Robin: MG కామెట్ EV కంటే చౌకైన కార్ వచ్చేసింది.. డిజైన్, ఫీచర్లు చూస్తే కొనేందుకు క్యూ కట్టాల్సిందే..!

Wings EV Robin: ఎలక్ట్రిక్ వాహనాలకు పెరుగుతున్న డిమాండ్ దృష్ట్యా, చాలా వాహనాల తయారీ కంపెనీలు ఇప్పుడు EV విభాగంపై మాత్రమే దృష్టి సారిస్తున్నాయి. పెరుగుతున్న పెట్రోలు, డీజిల్ ధరలతో ఎలక్ట్రిక్ వాహనాలను కొనుగోలు చేయడానికి మొగ్గు చూపుతున్నారు. కానీ, బడ్జెట్ విషయానికి వస్తే మాత్రం కొనేందుకు ఆలోచిస్తున్నారు. అయితే ఇప్పుడు ఎలక్ట్రిక్ కారును కూడా సులభంగా కొనుగోలు చేయవచ్చు. ఆ వివరాలేంటో ఓసారి చూద్దాం.. మార్కెట్‌లోకి వచ్చిన ఎలక్ట్రిక్ కారును వింగ్స్ EV కంపెనీ తయారు చేసింది. దీనికి రాబిన్ అని పేరు పెట్టారు.

వింగ్స్ EV రాబిన్: ఫీచర్లు..

కంపెనీ తన కొత్త మైక్రో ఎలక్ట్రిక్ కారును విడుదల చేసింది. దీనికి వింగ్స్ EV రాబిన్ అని పేరు పెట్టారు. అలాగే, ఈ ఎలక్ట్రిక్ కారు ప్రీ-బుకింగ్ కూడా ప్రారంభమైంది. దీన్ని బుక్ చేసుకోవడానికి, మీరు కంపెనీ అధికారిక వెబ్‌సైట్‌ను సందర్శించడం ద్వారా బుక్ చేసుకోవచ్చు.

ఈ ఎలక్ట్రిక్ కార్ నగరానికి సరైన EVగా పరిగణిస్తుంటారు. కంపెనీ ప్రకారం, ఈ EVలో లిథియం ఫెర్రస్ ఫాస్ఫేట్ బ్యాటరీ ప్యాక్ ఉంది. ఈ EV ఒక్కసారి పూర్తి ఛార్జింగ్‌తో 90 కి.మీల పరిధిని అందిస్తుంది. అదే సమయంలో, ఈ ఎలక్ట్రిక్ కారును ప్రామాణిక 15A పవర్ సాకెట్ నుంచి ఛార్జ్ చేయడానికి దాదాపు 4.5 గంటలు పడుతుంది. అదే సమయంలో, కంపెనీ గంటకు 60 కి.మీ గరిష్ట వేగాన్ని కూడా అందించింది.

ధర ఎంతంటే..

వింగ్స్ EV తన కొత్త ఎలక్ట్రిక్ కారును మూడు విభిన్న వేరియంట్లలో విడుదల చేసింది. ఇందులో E, S, X వంటి వేరియంట్‌లు ఉన్నాయి. ధరల గురించి మాట్లాడితే, వింగ్స్ EV రాబిన్ బేస్ వేరియంట్ ఎక్స్-షోరూమ్ ధర రూ. 2 లక్షలుగా నిర్ణయించారు. అయితే, ఈ వేరియంట్‌లో కంపెనీ ఏసీ సౌకర్యాన్ని అందించలేదు.

ఇది కాకుండా, కంపెనీ కారు S వేరియంట్‌లో బ్లోవర్‌ను అందించింది. ఇది 90 కిమీల పరిధిని కూడా ఇస్తుంది. ఈ వేరియంట్ ఎక్స్-షోరూమ్ ధర రూ.2.5 లక్షలుగా ఉంచింది. ఇప్పుడు వింగ్స్ EV రాబిన్ X వేరియంట్ గురించి మాట్లాడితే, ఈ వేరియంట్ ఎక్స్-షోరూమ్ ధర రూ. 3 లక్షలుగా నిర్ణయించింది. ఈ వేరియంట్‌లో ఏసీ సౌకర్యం కూడా కల్పించింది.

MG కామెట్ EVకి పోటీ..

MG మోటార్ ఇండియా దేశంలో చౌకైన ఎలక్ట్రిక్ కారు MG కామెట్ EVని విడుదల చేసిందనే సంగతి తెలిసిందే. ఈ కారు 17.3 kWh బ్యాటరీ ప్యాక్‌ను కలిగి ఉంది. దీని సహాయంతో కారు ఒక్కసారి పూర్తి ఛార్జింగ్‌పై దాదాపు 230 కి.మీల పరిధిని అందిస్తుంది. దీని బ్యాటరీపై 8 సంవత్సరాల వారంటీ కూడా అందుబాటులో ఉంది.

ఇది కాకుండా, ఈ ఎలక్ట్రిక్ కారులో 10.25 అంగుళాల ఇన్ఫోటైన్‌మెంట్ సిస్టమ్‌తో పాటు LED హెడ్‌లైట్, LED టెయిల్ ల్యాంప్, i-Smart Connect టెక్నాలజీ వంటి అనేక ఆధునిక ఫీచర్లు కూడా అందించింది. MG కామెట్ EV ఎక్స్-షోరూమ్ ధర రూ. 6.99 లక్షల నుంచి మొదలై రూ. 9.53 లక్షల వరకు ఉంటుంది.