Volkswagen Tiguan: వోక్స్‌వ్యాగన్ బంపర్ ఆఫర్.. టిగువాన్‌ ఎస్‌యూవీపై లక్షల్లో డిస్కౌంట్

Volkswagen Tiguan: ప్రముఖ కార్ల తయారీ సంస్థ వోక్స్‌వ్యాగన్ నవంబర్, 2024లో దాని ప్రసిద్ధ ఎస్‌యూవీ టిగువాన్‌పై  బంపర్ డిస్కౌంట్లను అందిస్తోంది. నివేదికల ప్రకారం వోక్స్‌వ్యాగన్ టిగువాన్‌ను కొనుగోలు చేయడం ద్వారా గరిష్టంగా రూ. 2,25,000 ఆదా చేయవచ్చు. ఈ ఆఫర్‌లో క్యాష్ డిస్కౌంట్, ఎక్స్ఛేంజ్ బోనస్,  కార్పొరేట్ డిస్కౌంట్ కూడా ఉన్నాయి. డిస్కౌంట్ గురించి మరిన్ని వివరాల కోసం కస్టమర్‌లు తమ సమీప డీలర్‌షిప్‌ను సంప్రదించవచ్చు. వోక్స్‌వ్యాగన్ టిగువాన్ ఫీచర్లు, పవర్‌ట్రెయిన్, ధర గురించి వివరంగా తెలుసుకుందాం.

పవర్‌ట్రెయిన్ గురించి మాట్లాడినట్లయితే వోక్స్‌వ్యాగన్ టిగువాన్‌లో, కస్టమర్‌లు 2.0-లీటర్ టర్బో పెట్రోల్ ఇంజన్‌ను పొందుతారు.ఇది గరిష్టంగా 190bhp పవర్‌ని,  320ఎన్ఎమ్ గరిష్ట టార్క్‌ను ఉత్పత్తి చేయగలదు. ఈ SUV ఇంజన్ 7-స్పీడ్ డ్యూయల్ క్లచ్ ఆటోమేటిక్ గేర్‌బాక్స్‌తో లింకై ఉంటుంది. ఆల్ వీల్ డ్రైవ్ సిస్టమ్ కూడా ఇందులో అందుబాటులో ఉంది. అప్‌గ్రేడ్ తర్వాత, వోక్స్‌వ్యాగన్ టిగువాన్‌లో లీటర్‌కు 13.54 కిలోమీటర్ల మైలేజీని అందించనున్నట్లు కంపెనీ పేర్కొంది. వోక్స్‌వ్యాగన్ టిగువాన్ 7-సీటర్ కారు ఇందులో కస్టమర్‌లు 7 కలర్ ఆప్షన్లు పొందుతారు.

మరోవైపు SUV లోపలి భాగంలో వినియోగదారులు 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో,  ఆపిల్ కార్‌ప్లే కనెక్టివిటీ, డిజిటల్ ఇన్‌స్ట్రుమెంట్ క్లస్టర్, పనోరమిక్ సన్‌రూఫ్, కనెక్ట్ చేసిన కార్ టెక్నాలజీ, క్లైమేట్ కంట్రోల్, పవర్ అడ్జస్టబుల్ డ్రైవర్ వంటి ఫీచర్లను కూడా ఉంటాయి. సీటు,  30 కలర్ యాంబియంట్ లైటింగ్ ఉంటాయి. ఇది కాకుండా భద్రత కోసంSUV 6-ఎయిర్‌బ్యాగ్‌లు, టైర్ ప్రెజర్ మానిటరింగ్ సిస్టమ్, ఎలక్ట్రానిక్ స్టెబిలిటీ కంట్రోల్,  రియర్ వ్యూ కెమెరా వంటి ఫీచర్లను కలిగి ఉంది. SUV ఎక్స్-షోరూమ్ ధర రూ. 35.17 లక్షలు.