TVS Apache: 159సీసీ ఇంజన్‌తో వచ్చిన టీవీఎస్ అపాచీ బైక్.. ధర, ఫీచర్లు చూస్తే ఫిదా అవ్వాల్సిందే..!

TVS Apache RTR160: TVS మోటార్ ఇండియా ఈరోజు (మే 17) తన పాపులర్ బైక్‌లు Apache RTR 160, Apache RTR 160 4V బ్లాక్ ఎడిషన్‌ను విడుదల చేసింది. అపాచీ RTR 160 ధర రూ. 1,20,420, RTR 160 4V ధర రూ. 1,24,870 (ఎక్స్-షోరూమ్, ఢిల్లీ)లుగా పేర్కొంది.

రెండు బైక్‌ల డిజైన్ మొత్తం బ్లాక్ కలర్ థీమ్‌పై ఆధారపడి ఉంటుంది. ఇందులో హెడ్‌లైట్ కౌల్, ట్యాంక్, సైడ్ ప్యానెల్, ఎగ్జాస్ట్ ఉన్నాయి. ట్యాంక్‌పై TVS లోగో కూడా నలుపు రంగులో ఇచ్చారు. రెండు బైక్‌లలోని ఇతర బ్లాక్ కలర్ మోడళ్లలో ఇచ్చిన ఎరుపు, తెలుపు గ్రాఫిక్స్ కాకుండా, ఈ కొత్త బ్లాక్ ఎడిషన్‌లో బాడీపై ఎటువంటి గ్రాఫిక్స్ లేవు.

TVS Apache RTR 160 బజాజ్ పల్సర్ N150, Hero Xtreme 160R, Yamaha FZ-S Fi V3.0, హోండా SP160 వంటి బైక్‌లతో పోటీపడుతుంది. అదే సమయంలో TVS Apache RTR 160 4V బైక్ సుజుకి Gixxer, Hero Xtreme 160E 4V, Yamaha FZ-S Fi V4, బజాజ్ పల్సర్ N160 లకు పోటీగా ఉంది.

బ్రేకింగ్, సస్పెన్షన్, ఫీచర్లు..

కంఫర్ట్ రైడింగ్ కోసం, రెండు బైక్‌లకు ముందు భాగంలో టెలిస్కోపిక్ ఫోర్కులు అందించింది. అయితే RTR 160 వెనుక ట్విన్ షాక్ అబ్జార్బర్‌లను కలిగి ఉంది. RTR 160 4V సర్దుబాటు చేయగల మోనోషాక్ సస్పెన్షన్‌ను కలిగి ఉంది. బ్రేకింగ్ కోసం, RTR 160 4V రెండు చక్రాలపై డిస్క్ బ్రేక్‌లను కలిగి ఉంది. అయితే RTR 160లో ముందు భాగంలో డిస్క్ బ్రేక్‌లు, వెనుక భాగంలో డ్రమ్ బ్రేక్‌లు ఉన్నాయి.

ఫీచర్ల గురించి మాట్లాడితే, రెండు బైక్‌లు వాయిస్ సహాయంతో కంపెనీ స్మార్ట్ ఎక్స్‌కనెక్ట్ ఫీచర్‌ను కలిగి ఉన్నాయి. ఇది టర్న్-బై-టర్న్ నావిగేషన్, కాల్/SMS హెచ్చరిక క్రాష్ అలర్ట్ సిస్టమ్ వంటి ఫీచర్లను కలిగి ఉంది.