Triumph Scrambler 400 X: పండుగ సీజన్.. ట్రయంఫ్ స్క్రాంబ్లర్‌పై భారీ డిస్కౌంట్

Triumph Scrambler 400 X: మిడిల్ వెయిట్ మోటార్‌సైకిల్ విభాగంలో రాయల్ ఎన్‌ఫీల్డ్ ఒంటరిగా పోరాడటం లేదు. ట్రయంఫ్, హార్లే డేవిడ్‌సన్, బజాజ్, హీరోతో చేతులు కలుపుతూ భారతదేశంలో పాతుకుపోతున్నాయి. ఇందులో బ్రిటీష్ బ్రాండ్ ట్రయంఫ్ మేడ్ ఇన్ ఇండియా బైక్‌లకు ప్రపంచ వ్యాప్తంగా విశేష ఆదరణ లభించింది. మీరు ట్రయంఫ్ స్క్రాంబ్లర్ 400Xని సొంతం చేసుకోవాలని ప్లాన్ చేస్తున్నట్లయితే, ఇప్పుడు ఇదే ఉత్తమ సమయమని కంపెనీ చెబుతోంది. ట్రయంఫ్ స్క్రాంబ్లర్ 400X ఇయర్ ఎండ్ ఆఫర్‌ని జనవరి చివరి వరకు పొడిగించింది. దాని గురించి వివరంగా తెలుసుకుందాం.

డిసెంబర్ 2024లో, దిగ్గజ బైక్ తయారీ సంస్థ స్క్రాంబ్లర్ 400 X మోటార్‌సైకిల్‌ను రూ. 12,500 విలువైన యాసెసరీలతో అందించింది. తొలుత ఈ ఆఫర్ డిసెంబర్ 31 వరకు మాత్రమే ఉండేది. అయితే, కంపెనీ ఇప్పుడు ఆఫర్‌ను జనవరి 31, 2025 వరకు పొడిగించింది.

ఈ నెలలో ట్రయంఫ్ స్క్రాంబ్లర్ 400ఎక్స్ మోటార్‌సైకిల్‌ను కొనుగోలు చేసే కస్టమర్‌లు లో ఇంజన్ బార్, హై మడ్‌గార్డ్ కిట్, కోటెడ్ విండ్‌స్క్రీన్, లగేజ్ ర్యాక్ కిట్, ట్యాంక్ ప్యాడ్, ట్రయంఫ్ బ్రాండ్ టీ-షర్ట్‌లను పొందుతారు. ట్రయంఫ్ స్క్రాంబ్లర్ 400X ట్రయంఫ్ స్పీడ్ 400 రోడ్‌స్టర్ మాదిరిగానే అదే ప్లాట్‌ఫామ్‌పై ఆధారపడి ఉంటుంది. ఆఫ్-రోడ్, హైవేలపై మెరుగైన పనితీరును అందించడానికి బైక్‌ను ఇటీవల రీ-ఇంజనీరింగ్ చేశారు.

ట్రయంఫ్ స్క్రాంబ్లర్ 400 X, స్పీడ్ 400, స్పీడ్ T4 అదే 398.15 CC, లిక్విడ్-కూల్డ్ ఇంజన్‌తో పనిచేస్తుంది. అయితే ట్యూనింగ్ కాస్త భిన్నంగా ఉంటుంది. స్క్రాంబ్లర్ 400 X లో, ఇది 39.5 Bhp పవర్,  37.5 Nm గరిష్ట టార్క్‌ను విడుదల చేస్తుంది. ఇంజిన్ స్లిప్పర్ అసిస్ట్ క్లచ్‌తో 6-స్పీడ్ గేర్‌బాక్స్‌తో అటాచ్ చేసి ఉంటుంది. బైక్ హైబ్రిడ్ సస్పెన్షన్ డ్యూటీలను ముందు వైపున 43mm అప్‌సైడ్ డౌన్ ఫోర్క్, వెనుక వైపున గ్యాస్-ఛార్జ్డ్ మోనోషాక్ నిర్వహిస్తుంది. బైక్ 19-అంగుళాల ఫ్రంట్ వీల్, 17-అంగుళాల వెనుక వీల్‌పై నడుస్తుంది. దీనికి 100/90-19 సెక్షన్ ఫ్రంట్, 140/80-17 సెక్షన్ వెనుక టైర్లు ఉంటాయి. 

స్క్రాంబ్లర్ 400X అన్ని-LED లైటింగ్, సెమీ-డిజిటల్ ఇన్స్ట్రుమెంట్ క్లస్టర్, రైడ్-బై-వైర్ థొరెటల్, ట్రాక్షన్ కంట్రోల్, డ్యూయల్-ఛానల్ ABS, టార్క్ అసిస్ట్ క్లచ్, USB-C పోర్ట్‌ను అందిస్తున్నారు. ట్రయంఫ్ స్క్రాంబ్లర్ 400X గ్రీన్-వైట్, రెడ్-బ్లాక్, బ్లాక్-సిల్వర్ రంగుల్లో అందుబాటులో ఉంది. ఈ మోటార్‌సైకిల్ ఎక్స్-షోరూమ్ ధర రూ.2.64 లక్షలు. ఇది ఇండియన్ మార్కెట్లో రాయల్ ఎన్‌ఫీల్డ్ హంటర్ 350 మోటార్‌సైకిల్‌తో పోటీపడుతోంది.