Nissan Magnite: కస్టమర్లను దిల్‌ఖుష్ చేసిన నిస్సాన్.. 1.5 లక్షలు దాటిన మాగ్నైట్ బుకింగ్స్

Nissan Magnite: జపనీస్ కార్ల తయారీ సంస్థ నిస్సాన్ భారత్‌లో తన విక్రయ గణాంకాలను వెల్లడించింది. అమ్మకాల నివేదిక ప్రకారం కంపెనీ గత 2024 సంవత్సరంలో 91,184 వాహనాలను విక్రయించింది. వీటిలో 29,009 దేశీయ మార్కెట్లో విక్రయించగా, 62,175 వాహనాలు అంతర్జాతీయ మార్కెట్లకు ఎగుమతి అయ్యాయి. డిసెంబర్ 2024లో కంపెనీ మొత్తం 11,676 వాహనాలను విక్రయించింది. వీటిలో దేశీయ మార్కెట్లో 2,118 కార్లు విక్రయించగా విదేశాల్లో 9,558 వాహనాలు విక్రయించారు. 

నిస్సాన్ గత ఏడాది అక్టోబర్‌లో కొత్త మాగ్నైట్ ఫేస్‌లిఫ్ట్‌ను విడుదల చేసింది.  ఇప్పటివరకు 10,000 బుకింగ్‌లను పొందింది. ఈ వాహనం మొత్తం అమ్మకాలు 1.5 లక్షలు దాటాయి. భారతదేశం కాకుండా ఈ SUV దేశీయ, అంతర్జాతీయ మార్కెట్లలో ప్రసిద్ధి చెందింది. ప్రారంభించిన ఒక నెలలోనే 2,700 వాహనాలు దక్షిణాఫ్రికాకు ఎక్స్‌పోర్ట్ అయ్యాయి. నిస్సాన్ మాగ్నైట్ 45 కంటే ఎక్కువ అంతర్జాతీయ మార్కెట్లలో విక్రయిస్తుంది. FY 2024-25 నాటికి భారతదేశంలో 300 టచ్‌పాయింట్‌లను ఏర్పాటు చేయాలని కంపెనీ లక్ష్యంగా పెట్టుకుంది.

నిస్సాన్ కొత్త Magnite రెండు పెట్రోల్ ఇంజన్ ఎంపికలను కలిగి ఉంది, ఇందులో 1.0L టర్బో పెట్రోల్ ఇంజన్, 1.0L నాచురల్ ఆస్పిరేటెడ్ పెట్రోల్ ఇంజన్ ఉన్నాయి. ఈ ఇంజన్లు 6-స్పీడ్ MT లేదా CVT గేర్‌బాక్స్‌తో వస్తాయి. కొత్త మాగ్రైట్ మీకు 20kmpl వరకు మైలేజీని అందిస్తుంది. ఇందులో కొత్త బంపర్, కొత్త గ్రిల్, సిగ్నేచర్ బూమరాంగ్-స్టైల్ DRL ,  ఆటోమేటిక్ ప్రొజెక్టర్ LED హెడ్‌లైట్లు ఉన్నాయి. కారులో 16-అంగుళాల అల్లాయ్ వీల్స్ ఉన్నాయి. వెనుక వైపున, స్మోక్డ్ ఎఫెక్ట్‌తో అప్‌డేట్ చేసిన టెయిల్ ల్యాంప్స్ అందుబాటులో ఉన్నాయి.

కొత్త నిస్సాన్ మాగ్నైట్ ఫేస్‌లిఫ్ట్ ధర రూ. 5.99 లక్షల నుండి రూ. 11.50 లక్షల వరకు ఉంది. మాగ్నైట్ ఫేస్‌లిఫ్ట్ విసియా, విసియా+, అసెంటా, ఎన్-కనెక్టా, టెక్నా, టెక్నా+ వంటి 6 వేరియంట్‌లలో అందుబాటులో ఉంది. నిస్సాన్ కొత్త మాగ్నైట్ ధరను వెల్లడించలేదు. ఇది ఈ వాహనానికి పెద్ద ప్లస్ పాయింట్. మాగ్నైట్ క్యాబిన్ ఆల్-లెదర్ ట్రీట్‌మెంట్‌తో వస్తుంది. ఇందులో వైర్‌లెస్ ఛార్జర్ ఉంది. ఇది మాత్రమే కాదు, ఇప్పుడు 7-అంగుళాల డిజిటల్ ఇన్‌స్ట్రుమెంట్ క్లస్టర్‌లో కొత్త గ్రాఫిక్స్ కనిపిస్తాయి. కొత్త మాగ్నైట్‌లో సింగిల్-పేన్ ఎలక్ట్రిక్ సన్‌రూఫ్ కూడా ఉంది. ఈ కారులో క్లస్టర్ ఐయోనైజర్‌ను తీసుకొచ్చారు, దీని సహాయంతో కారు లోపల గాలిని ఫిల్టర్ చేయచ్చు.