Honda Elevate: వావ్ అనిపించే ఫీచర్లతో హోండా ఎలివేట్.. క్రెటాకు ధీటుగా సెప్టెంబర్ 4న మార్కెట్‌లోకి.. ధర ఎంతంటే..?

Honda Elevate: మార్కెట్లో హ్యుందాయ్ క్రెటా, గ్రాండ్ విటారా వంటి మోడళ్లతో పోటీపడే మిడ్-సైజ్ SUV సెగ్మెంట్‌లో మరో SUV త్వరలో విడుదల కానుంది. జపనీస్ కార్ల తయారీదారు హోండా ఇటీవల తన కొత్త SUV ఎలివేట్‌ను ఆవిష్కరించింది. కంపెనీ ఈ SUVకి సంబంధించిన మొత్తం సమాచారాన్ని పంచుకుంది. అయితే, ధరలు మాత్రం ఇంకా ప్రకటించలేదు.

ఇప్పుడు ఈ SUV అధికారికంగా 4 సెప్టెంబర్‌న లాంచ్ కానుంది. కాగా, వీటి ధరలను కూడా అదే సమయంలో ప్రకటిస్తారని వార్తలు వస్తున్నాయి. హోండా ఎలివేట్ దాని ప్రారంభానికి ముందే దేశంలోని ఎంపిక చేసిన డీలర్‌షిప్‌లను చేరుకోవడం ప్రారంభించింది. 5-సీటర్ SUV ఈ సంవత్సరం అత్యంతగా ఎదురుచూస్తున్న కార్లలో ఒకటిగా పేరుగాంచింది.

కంపెనీ ఇప్పటికే రాజస్థాన్‌లోని టపుకరా ఫ్యాక్టరీలో ఈ SUV ఉత్పత్తిని ప్రారంభించింది. ఇది కేవలం పెట్రోల్ ఇంజన్‌తో మాత్రమే మార్కెట్లోకి విడుదల కానుంది. ఇందులో, కంపెనీ 1.5-లీటర్ పెట్రోల్ ఇంజన్‌ను ఉపయోగించింది. ఇది 121Hp శక్తిని, 145Nm టార్క్‌ను ఉత్పత్తి చేస్తుంది. ఈ ఇంజన్ 6-స్పీడ్ మ్యాన్యువల్ ట్రాన్స్‌మిషన్ గేర్‌బాక్స్‌తో వస్తుంది.

ఇది కాకుండా ఈ ఇంజన్ 7-స్పీడ్ CVT ఆటోమేటిక్ ట్రాన్స్‌మిషన్‌తో కూడా వస్తుంది. హోండా సిటీ సెడాన్ కారులో మీరు పొందే ఇంజన్ ఇదే. ఈ SUV మైలేజీ గురించి మాట్లాడితే, హోండా దాని మాన్యువల్ గేర్‌బాక్స్ వేరియంట్ 15.31 kmpl వరకు, CVT వేరియంట్ 16.92 kmpl వరకు మైలేజీని ఇస్తుందని తెలిపింది.

ఈ SUVలో కంపెనీ 40-లీటర్ పెట్రోల్ ట్యాంక్‌ను అందించింది. ఈ కోణంలో మాన్యువల్ వేరియంట్ ఫుల్ ట్యాంక్‌లో 612 కిమీల దూరాన్ని కవర్ చేయగలదు. అయితే ఆటోమేటిక్ వేరియంట్ 679 కిమీల దూరాన్ని కవర్ చేయగలదు.

దీని ఎంట్రీ-లెవల్ అంటే బేస్ మోడల్‌లో LED ప్రొజెక్టర్ హెడ్‌ల్యాంప్‌లు, ఆటోమేటిక్ క్లైమేట్ కంట్రోల్, 16-అంగుళాల స్టీల్ వీల్స్, డ్యూయల్ ఫ్రంట్ ఎయిర్‌బ్యాగ్‌లు ఉన్నాయి.

టాప్ మోడల్‌లో 10.25-అంగుళాల టచ్‌స్క్రీన్, 6 ఎయిర్‌బ్యాగ్‌లు, హోండా సెన్సింగ్ ADAS సూట్, ఆటో-డిమ్మింగ్ ఇంటీరియర్ డే/నైట్ మిర్రర్స్, 8 స్పీకర్లు, లెథెరెట్ బ్రౌన్ అప్హోల్స్టరీ, సాఫ్ట్-టచ్ డాష్‌బోర్డ్ ఉన్నాయి.

రూ.10.50 లక్షల ధరతో కంపెనీ దీన్ని లాంచ్ చేయవచ్చని భావిస్తున్నారు. ఇది మార్కెట్లో హ్యుందాయ్ క్రెటా, కియా సెల్టోస్ వంటి మోడళ్లతో పోటీపడుతుంది.