Automatic Cars: Alto K10 నుంచి Tiago వరకు.. చౌకైన 5 ఆటోమేటిక్ కార్లు ఇవే.. ధర, ఫీచర్లు ఎలా ఉన్నాయంటే?

Most Affordable Automatic Cars: ఎక్కువగా రద్దీగా ఉండే ప్రాంతాల్లో డ్రైవ్ చేస్తే ఆటోమేటిక్ కారు మీకు చాలా మంచిది. మాన్యువల్ కార్ల కంటే ఆటోమేటిక్ కార్లు నడపడం సులభం. ఎందుకంటే డ్రైవర్ గేర్లు మార్చడం గురించి ఆందోళన చెందాల్సిన అవసరం లేదు. అవసరమైనప్పుడు కారు ఆటోమేటిక్‌గా గేర్‌లను మారుస్తూ ఉంటుంది. అయితే మ్యాన్యువల్ కార్లతో పోలిస్తే ఆటోమేటిక్ కార్ల ధర కనీసం రూ.50-60 వేలు ఎక్కువగా ఉంటుంది. దేశంలోని 5 చౌకైన ఆటోమేటిక్ కార్ల గురించి ఇప్పుడు తెలుసుకుందాం..

1. మారుతి సుజుకి ఆల్టో కె10..

భారతదేశంలో ఆటోమేటిక్ ట్రాన్స్‌మిషన్ కలిగిన అత్యంత చౌకైన కారు ఇదే. ఆల్టో కె10 ఆటోమేటిక్ వేరియంట్ ధర రూ. 5.59 లక్షల (ఎక్స్-షోరూమ్) నుంచి ప్రారంభమవుతుంది. ఇందులో 1.0-లీటర్ NA పెట్రోల్ ఇంజన్ ఉంది. ఇది 65.7bhp, 89Nm శక్తిని ఉత్పత్తి చేస్తుంది. దీనితో, 5-స్పీడ్ మాన్యువల్, ఆటోమేటిక్ (AGS) గేర్‌బాక్స్ ఎంపిక అందించారు.

2. మారుతి సుజుకి S-ప్రెస్సో..

ఈ జాబితాలో తర్వాతి నంబర్ కూడా మారుతీ కారుదే. ఇది ఎస్-ప్రెస్సో. దీని రూపం ఆల్టో కె10ని పోలి ఉంటాయి. దీని ఆటోమేటిక్ వేరియంట్ ధర రూ. 5.76 లక్షల (ఎక్స్-షోరూమ్) నుంచి ప్రారంభమవుతుంది. ఇందులో 1.0-లీటర్ NA పెట్రోల్ ఇంజన్ కూడా ఉంది. ఇది 5-స్పీడ్ మాన్యువల్/ఆటోమేటిక్ (AGS) గేర్‌బాక్స్‌తో కూడా వస్తుంది.

3. రెనాల్ట్ క్విడ్..

రెనాల్ట్ క్విడ్ కూడా ఒక ఎంపిక. ఇది భారతదేశంలో కంపెనీ ఎంట్రీ లెవల్ హ్యాచ్‌బ్యాక్ కారు. ఇందులో 1.0-లీటర్ పెట్రోల్ ఇంజన్ కలదు. దీని ఆటోమేటిక్ వేరియంట్ల ధర రూ. 6.12 లక్షల (ఎక్స్-షోరూమ్) నుంచి ప్రారంభమవుతుంది. అయితే, దాని అమ్మకాలు చాలా ఎక్కువగా ఉన్నాయి.

4. మారుతి సుజుకి వ్యాగన్ఆర్..

మారుతి వ్యాగన్ఆర్ దాదాపు రెండు దశాబ్దాలుగా మార్కెట్‌ను శాసిస్తున్నది. ఇది రెండు ఇంజన్ ఎంపికలలో వస్తుంది - 1.0-లీటర్, 1.2-లీటర్. కారులో 5-స్పీడ్ MT/ఆటోమేటిక్ గేర్‌బాక్స్ ఎంపిక ఉంది. ఆటోమేటిక్ వేరియంట్‌ల ధర రూ. 6.55 లక్షల (ఎక్స్-షోరూమ్) నుంచి ప్రారంభమవుతుంది.

5. టాటా టియాగో..

జాబితాలో చివరి నంబర్ టాటా టియాగో. ఇది టాటా అత్యంత పొదుపుగా ఉండే కారు. దీని ఆటోమేటిక్ వేరియంట్‌ల ధర రూ. 6.92 లక్షల (ఎక్స్-షోరూమ్) నుంచి ప్రారంభమవుతుంది. ఇది 1.2-లీటర్ NA పెట్రోల్ ఇంజన్ (84bhp, 113Nm)తో 5-స్పీడ్ MT/ఆటోమేటిక్ ట్రాన్స్‌మిషన్ ఎంపికను కలిగి ఉంది.