Luxury car sales in India : 2024లో రికార్డు బద్ధలు కొట్టిన లగ్జరీ కార్ల విక్రయాలు.. ప్రతి గంటకు ఎన్ని కార్లు అమ్ముడుబోయాయంటే ?

Luxury car sales in India : భారతదేశం లగ్జరీ కార్ల విక్రయాలలో అద్భుతమైన పెరుగుదలను చూసింది.. 2024లో ప్రతి గంటకు రూ. 50 లక్షల కంటే ఎక్కువ ధర కలిగిన ఆరు కంటే ఎక్కువ వాహనాలు అమ్ముడవుతున్నాయి. ది ఎకనామిక్ టైమ్స్‌లోని ఒక నివేదిక ప్రకారం.. ఇది ఐదేళ్ల క్రితం గంటకు కేవలం రెండు కార్లు విక్రయించబడిన దాని నుండి ఒక మంచి పెరుగుదలను సూచిస్తుంది, పెరుగుతున్న సంపన్న వినియోగదారుల సంఖ్య కారణంగా మార్కెట్లో లగ్జరీ, ప్రీమియం కార్ల విక్రయాలు పెరుగుతున్నాయి.

మొత్తంగా ఇన్ని వాహనాలు అమ్ముడవుతాయని అంచనా

వాహన తయారీ కంపెనీలు 2025లో రెండు డజన్లకు పైగా కొత్త మోడళ్లను ప్రవేశపెట్టాలని యోచిస్తున్నాయి. ఈ కారణంగా లగ్జరీ కార్ల విభాగం మరింత వృద్ధి చెందుతుందని భావిస్తున్నారు. అధిక బేస్ కారణంగా వృద్ధి రేటు మందగించినప్పటికీ, తొలిసారిగా విక్రయాలు 50,000 యూనిట్లకు మించవచ్చని పరిశ్రమ నిపుణులు అంచనా వేస్తున్నట్లు నివేదిక పేర్కొంది. 2025లో 8-10 శాతం పెరుగుదల ఉండవచ్చని ఆడి ఇండియా చీఫ్ బల్బీర్ సింగ్ ధిల్లాన్ పేర్కొన్నట్లు నివేదిక పేర్కొంది. కోవిడ్ మహమ్మారి తర్వాత ప్రీమియం కార్లకు డిమాండ్ భారీగా పెరిగింది.

మార్కెట్లోకి మెర్సిడెస్

మెర్సిడెస్-బెంజ్ ఇండియా ఎండీ, సీఈవో సంతోష్ అయ్యర్ అనుకూలమైన వ్యాపార వాతావరణం, స్థిరమైన ఆదాయాలు, సానుకూల వినియోగదారుల సెంటిమెంట్ ఈ రంగం వృద్ధికి దోహదపడ్డాయి. మెర్సిడెస్-బెంజ్ ఇండియా దాదాపు 20,000 కార్ల అమ్మకాలతో 2024 ముగియనుంది. ఈ ఏడాది మొదటి తొమ్మిది నెలల్లో 14,379 యూనిట్లు విక్రయించడంతో కంపెనీ విక్రయాల్లో 13 శాతం వృద్ధిని నమోదు చేసింది. 2025లో కొత్త ఉత్పత్తుల లాంచ్‌లు, మార్కెట్ విస్తరణతో కంపెనీ ఊపందుకోవడం లక్ష్యంగా పెట్టుకుందని అయ్యర్ పేర్కొన్నట్లు నివేదిక పేర్కొంది.

2025లో కూడా మంచి డిమాండ్

బీఎండబ్ల్యూ ఇండియా కూడా రికార్డు విక్రయాలను నమోదు చేసింది. ఇది జనవరి - సెప్టెంబర్ 2024 మధ్యకాలంలో 5 శాతం పెరిగి 10,556 వాహనాలకు చేరుకుంది. సరఫరా గొలుసు అంతరాయాల కారణంగా ఆడి ఇండియా అమ్మకాలలో 16 శాతం క్షీణతను ఎదుర్కొన్నప్పటికీ, కొత్త ఉత్పత్తి లైనప్‌తో 2025లో బలమైన పునరుద్ధరణకు సిద్ధమవుతోంది. ఈ ప్రయోజనాలు ఉన్నప్పటికీ విలాసవంతమైన కార్లు భారతీయ ఆటోమొబైల్ మార్కెట్లో కేవలం 1 శాతం మాత్రమే ఉన్నాయి. ఇది ప్రధాన ప్రపంచ ఆర్థిక వ్యవస్థలలో అత్యల్పమైనది. ప్రపంచవ్యాప్తంగా అత్యధిక సంఖ్యలో బిలియనీర్లు ఉన్న దేశాల్లో భారతదేశం ఒకటి కాబట్టి ఇది గణనీయమైన వృద్ధి సామర్థ్యాన్ని చూపుతుందని నిపుణులు భావిస్తున్నారు.

నివేదిక ఏం చెబుతోంది?

నైట్ ఫ్రాంక్ వెల్త్ రిపోర్ట్ 2024 ప్రకారం.. ప్రపంచవ్యాప్తంగా అల్ట్రా-హై-నెట్-వర్త్ వ్యక్తులలో (UHNWI) భారతదేశం అత్యధిక వృద్ధిని కలిగి ఉంటుందని అంచనా వేసింది. వారి సంఖ్య 2023లో 13,263 నుండి 2028 నాటికి 50 శాతం పెరిగి 19,908కి పెరుగుతుందని అంచనా వేయబడింది. ఈ వృద్ధి చైనా, టర్కీ, మలేషియా సహా ఇతర దేశాలను అధిగమించనుంది.

2020: 20,500

2021: 28,600

2022: 38,000

2023: 48,000

2024: 50,000 (అంచనా)

2025: 54,000 (అంచనా)