Hyundai Exter: అదిపోయే ఇంటీరియర్.. అత్యాధునిక ఫీచర్లు.. హ్యుందాయ్ ఎక్స్‌టర్ లుక్ చూస్తే ఫిదా అవ్వాల్సిందే..!

Hyundai Exter's Interior: హ్యుందాయ్ మోటార్ ఇండియా తన రాబోయే మైక్రో ఎస్‌యూవీ- ఎక్స్‌టర్ ఇంటీరియర్ ఫొటోను అధికారికంగా విడుదల చేసింది. దాని క్యాబిన్‌లో ఎలాంటి ఫీచర్లు అందించారో చూడొచ్చు. కొత్త హ్యుందాయ్ ఎక్స్‌టార్ డ్యాష్‌బోర్డ్ గ్రాండ్ ఐ10 నియోస్, ఆరాతో సమానంగా ఉండవచ్చని భావిస్తున్నారు. హ్యుందాయ్ ఎక్స్‌టర్ మౌంటెడ్ ఆడియో, క్రూయిజ్ కంట్రోల్‌ కవర్‌తో చుట్టబడిన, 3-స్పోక్ మల్టీ-ఫంక్షనల్ స్టీరింగ్ వీల్‌ను పొందుతుంది.

హ్యుందాయ్ Xtor ఫీచర్లు:

స్టీరింగ్ వెనుక డిజిటల్ ఇన్‌స్ట్రుమెంట్ క్లస్టర్‌ను అందించారు. ఇందులో హిందీ భాష ఎంపిక కూడా ఉంటుంది. చాలా ఫిజికల్ బటన్‌లతో టచ్‌స్క్రీన్ ఇన్ఫోటైన్‌మెంట్ సిస్టమ్ ఉంటుంది. ఇది ఆండ్రాయిడ్ ఆటో, ఆపిల్ కార్‌ప్లేకి మద్దతు ఇస్తుంది. ఇది 8.0-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, హ్యుందాయ్ బ్లూలింక్ కనెక్ట్ చేయబడిన కార్ టెక్నాలజీని కూడా పొందుతుంది. ఇది కాకుండా, ఎలక్ట్రిక్ సన్‌రూఫ్, టైర్ ప్రెజర్ మానిటరింగ్ సిస్టమ్ కూడా ఉంటుంది.

హ్యుందాయ్ Xtor ఇంజిన్ & పవర్:

సరికొత్త హ్యుందాయ్ ఎక్స్‌టర్ జులై 10, 2023న విడుదల కానుంది. కంపెనీ లైనప్‌లో ఇది అతి చిన్న SUV అవుతుంది. హ్యుందాయ్ ఎక్స్‌టర్‌లో 1.2-లీటర్ న్యాచురల్లీ ఆస్పిరేటెడ్ పెట్రోల్ ఇంజన్ ఉంటుంది. ఇది కొన్ని ఇతర హ్యుందాయ్ కార్లకు కూడా శక్తినిస్తుంది. ఈ ఇంజన్ 82 బీహెచ్‌పీ, 113 ఎన్ఎమ్‌లను ఉత్పత్తి చేస్తుంది. ఇది 5-స్పీడ్ మాన్యువల్ గేర్‌బాక్స్, AMT ఎంపికను పొందుతుంది. హ్యుందాయ్ ఎక్స్‌టర్ కూడా CNG ఎంపికను పొందుతుంది.

హ్యుందాయ్ Xtor పోటీదారులు:

కొత్త హ్యుందాయ్ ఎక్స్‌టర్ మైక్రో SUV ఐదు మోడల్స్‌ అందుబాటులోకి తీసుకరానుంది. EX, S, SX, SX(O), SX(O) Connect. ఇందుకోసం ముందస్తు బుకింగ్ జరుగుతోంది. దీని ధర రూ.6 లక్షలు (ఎక్స్-షోరూమ్)గా అంచనా వేస్తున్నారు. ఇది టాటా పంచ్, సిట్రోయెన్ C3, నిస్సాన్ మాగ్నైట్ మొదలైన వాటికి పోటీగా ఉంటుందని భావిస్తున్నారు.