Kia SUVs: కియా నుంచి 3 కొత్త SUV లు.. చౌకైన 7-సీటర్ మోడల్ కూడా.. ఫీచర్లు, ధరలు ఎలా ఉన్నాయంటే?

Upcoming Kia SUVs In 2024: కియా ఈ సంవత్సరం కొత్త సెల్టోస్ ఫేస్‌లిఫ్ట్‌ను భారత మార్కెట్లో విడుదల చేసింది. ఇది అనేక సెగ్మెంట్-లీడింగ్ ఫీచర్లతో అందించింది. ఈ కారణంగా కొత్త సెల్టోస్ కస్టమర్ల నుంచి అద్భుతమైన స్పందనను పొందుతోంది. ఇప్పుడు భారత మార్కెట్లో తన స్థానాన్ని మరింత పటిష్టం చేసుకునేందుకు కంపెనీ సన్నాహాలు చేస్తోంది. ఇందుకోసం మార్కెట్లోకి కొత్త ఉత్పత్తులను తీసుకురావడం అవసరం. అదే చేయబోతోంది. కియా 2024లో దేశంలో కనీసం 3 కొత్త SUVలను పరిచయం చేయడానికి సిద్ధమవుతోంది. ఈ మూడింటి గురించి ఇప్పుడు తెలుసుకుందాం..

కియా సోనెట్ ఫేస్‌లిఫ్ట్..

కియా 2024 మొదటి త్రైమాసికంలో భారతదేశంలో తన సబ్-4 మీటర్ల SUV సోనెట్ కొత్త మోడల్‌ను విడుదల చేస్తుంది. ఈ SUV కొత్త సెల్టోస్ నుంచి ప్రేరణ పొందిన డిజైన్, అనేక అధునాతన ఫీచర్లను కలిగి ఉంటుంది. ఇందులో దాదాపు 7-8 ADAS ఫీచర్లు కూడా ఉండవచ్చు. ఇదివరకటిలాగా, ఇందులో 6 ఎయిర్‌బ్యాగ్‌లు, VSM, EBDతో పాటు ABS, ESC, HSM వంటి భద్రతా ఫీచర్లు కూడా ఉంటాయి.

SUVకి డ్యూయల్ స్క్రీన్ సెటప్, డ్యాష్‌బోర్డ్ కెమెరా, 360 డిగ్రీ కెమెరా సిస్టమ్‌తో పాటు కొత్త డ్యాష్‌బోర్డ్ లేఅవుట్ కూడా అందించబడుతుంది. ఇది 1.2L NA పెట్రోల్, 1.0L టర్బో పెట్రోల్, 1.5L డీజిల్ వంటి ప్రస్తుత ఇంజన్ ఎంపికలను నిలుపుకునే అవకాశం ఉంది.

కొత్త కియా కార్నివాల్..

కియా తన నాల్గవ తరం కార్నివాల్ MPV ఫేస్‌లిఫ్ట్ మోడల్‌ను వచ్చే ఏడాది భారతదేశంలో విడుదల చేయవచ్చు. ఈ మోడల్‌లో కొత్త ఫ్రంట్ గ్రిల్, కొత్త బంపర్, కొత్త హెడ్‌ల్యాంప్స్, టెయిల్‌ల్యాంప్‌లు ఉంటాయి.

దాని వెనుక భాగంలో కనెక్ట్ చేయబడిన LED లైట్ బార్ అందించబడుతుంది. ఇది ADAS టెక్నాలజీతో పాటు అనేక భద్రతా ఫీచర్లను కూడా కలిగి ఉంటుంది. దీనికి 2.2-లీటర్ డీజిల్ ఇంజన్ ఇవ్వవచ్చు. ఇది 199bhp, 440Nm ఉత్పత్తి చేయగలదు.

KIA EV9 ఎలక్ట్రిక్ SUV..

కియా ఇండియా తన ఫ్లాగ్‌షిప్ ఎలక్ట్రిక్ SUV EV9ని కూడా 2024లో విడుదల చేయగలదు. ఇది భారతీయ మార్కెట్ కోసం కంపెనీ సరికొత్త ఉత్పత్తి అవుతుంది. దీని కాన్సెప్ట్ మోడల్ 2023 ఆటో ఎక్స్‌పోలో కూడా ప్రదర్శించబడింది. ఇది బ్రాండ్ అత్యంత ఖరీదైన, అతిపెద్ద ఎలక్ట్రిక్ SUV అవుతుంది.

ఈ 3-వరుస SUV బహుళ సీటింగ్ లేఅవుట్‌లతో ఉంటుంది. ఈ మోడల్ ఎలక్ట్రిక్ గ్లోబల్ మాడ్యులర్ ప్లాట్‌ఫారమ్ (E-GMP)పై ఆధారపడి ఉంటుంది. ఇది ఒక్కసారి ఫుల్ ఛార్జింగ్‌తో 541 కిలోమీటర్ల రేంజ్‌ను అందించగలదు.