8 Seater Cars: 5 లేదా 7 సీట్ల కార్లు ఎందుకు భయ్యా.. 14 లక్షలకే 8 సీటర్లు వచ్చేశాయ్‌గా.. లిస్ట్ చూస్తే ఫిదానే..!

8 Seater Cars in India: భారత మార్కెట్లో SUV కార్లకు డిమాండ్ వేగంగా పెరుగుతోంది. SUV కార్ల కారణంగా, చాలా కంపెనీల చౌక కార్లు కూడా అమ్మకాల్లో క్షీణతను ఎదుర్కొంటున్నాయి. అయితే, ఎస్‌యూవీ సెగ్మెంట్‌కు పోటీనిచ్చే వాహనాలు ఏవైనా ఉంటే, అవి ఎమ్‌పీవీలే అనండంలో ఎలాంటి సందేహం లేదు. ఎమ్‌పీవీ కార్ల ప్రత్యేకత ఏమిటంటే పెద్ద కుటుంబం కూడా అందులో సులభంగా ఇమిడిపోతుంది. ఇది కాకుండా, మీరు వాటిని వాణిజ్యపరంగా ఉపయోగించవచ్చు.

దేశంలో పెద్ద సంఖ్యలో ప్రజలు ఏడు సీట్ల వాహనాల కోసం చూస్తున్నారు. ఇటువంటి 8 సీటర్ కార్ల జాబితాను తీసుకువచ్చాం. దీని ధర కేవలం రూ. 14.40 లక్షల ఎక్స్-షోరూమ్ నుంచి ప్రారంభమవుతుంది. ఇందులో మహీంద్రా టూ టయోటా వంటి కంపెనీలు ఉన్నాయి.

1. మహీంద్రా మరాజో: జాబితాలో అత్యంత చౌకైన కారు మహీంద్రా మరాజో. ఇది కంపెనీ MPV కారు. ఇందులో చాలా ఫీచర్లు లోడ్ చేశారు. విశేషమేమిటంటే, దీని బేస్ వేరియంట్ M2లో మీకు 8 సీట్ల ఆప్షన్ లభిస్తుంది. మహీంద్రా మరాజో ప్రారంభ ధర రూ. 14.40 లక్షలుగా పేర్కొన్నారు. ఇది 6-స్పీడ్ మ్యాన్యువల్ గేర్‌బాక్స్‌తో కూడిన 1.5-లీటర్ డీజిల్ ఇంజన్ కలిగి ఉంది.

2. టయోటా ఇన్నోవా క్రిస్టా: టొయోటా ఇన్నోవా కొన్నేళ్లుగా కస్టమర్ల హృదయాలను ఫిదా చేస్తోంది. అయితే, ఈ కారు 7 సీట్లతో పాటు 8 సీట్ల ఆప్షన్‌లో వస్తుందని చాలా తక్కువ మందికి తెలుసు. దీని 8 సీట్ల వేరియంట్ రూ. 19.99 లక్షలకు (ఎక్స్-షోరూమ్) అందుబాటులో ఉంది. ఇందులో 2.4-లీటర్ డీజిల్ ఇంజన్ (148PS, 343Nm) ఉంది.

3. టయోటా ఇన్నోవా హైక్రాస్: టొయోటా మరొక కారు గురించి మాట్లాడితే, ఇది టయోటా ఇన్నోవా హైక్రాస్. ఈ కారు 7 సీట్లతో పాటు 8 సీట్ల ఎంపికలో వస్తుందని చాలా తక్కువ మందికి తెలుసు. దీని 8 సీట్ల వేరియంట్ రూ. 19.82 లక్షలకు (ఎక్స్-షోరూమ్) అందుబాటులో ఉంది. ఇందులో 2.0 లీటర్ పెట్రోల్ ఇంజన్ 173PS పవర్ ఉత్పత్తి చేస్తుంది. ఇందులో మ్యాన్యువల్, ఆటోమేటిక్ రెండు ఆప్షన్‌లు అందుబాటులో ఉన్నాయి.

4. మారుతి ఇన్విక్టో: మారుతి గురించి చెప్పాలంటే, దాని కారు ఇన్విక్టో. ఈ కారు 7 సీట్లతో పాటు 8 సీట్ల ఎంపికలో వస్తుందని చాలా తక్కువ మందికి తెలుసు. దీని 8 సీట్ల వేరియంట్ రూ. 25.35 లక్షలకు (ఎక్స్-షోరూమ్) అందుబాటులో ఉంది. ఇందులో 2.0 లీటర్ పెట్రోల్ ఇంజన్ కలదు. ఇది 173PS శక్తిని ఉత్పత్తి చేస్తుంది. ఇందులో మ్యాన్యువల్, ఆటోమేటిక్ రెండు ఆప్షన్‌లు అందుబాటులో ఉన్నాయి.