Car Care Tips: మీ కార్ లైఫ్ పెరగాలా.. వర్షాకాలానికి ముందే ఇలా చేయండి.. కొత్తగా మెరిసిపోతుందంతే..!

Car Tips for Monsoon: ప్రస్తుతం భారతదేశంలో ఎండలు తగ్గి, వర్షాలు మొదలయ్యాయి. వర్షం కారణంగా, ఈ మండుతున్న వేడి నుంచి ప్రజలు చాలా ఉపశమనం పొందుతున్నారు. ఇది కాకుండా, వాతావరణం కూడా చాలా ఆహ్లాదకరంగా మారుతుంది. వర్షాకాలంలో అందరూ కారులో లాంగ్‌డ్రైవ్‌కు వెళ్లాలని భావిస్తుంటారు. కారులో కూర్చొని వానను ఆస్వాదించడంలో వచ్చే ఆనందం వేరేలా ఉంటుంది.

అయితే ఇలాంటి చిరస్మరణీయమైన క్షణాలను ఆస్వాదించే వర్షం మీ కారును కూడా దెబ్బతీస్తుందని మీరు ఎప్పుడైనా ఆలోచించారా? దాని కారణంగా మీరు చాలా డబ్బు ఖర్చు చేయవలసి ఉంటుంది. వర్షాకాలంలో కూడా మీ విలువైన కారును కొత్తగా కనిపించేలా చేయడానికి, దాని జీవితకాలం పెంచడానికి, కొన్ని విషయాలను గుర్తుంచుకోవడం ముఖ్యం.

డ్రైవింగ్ చేయడానికి ముందు లైట్లను తనిఖీ చేయాలి..

భారీ వర్షాల సమయంలో డ్రైవింగ్ చేస్తున్నప్పుడు దృశ్యమానత చాలా తక్కువగా ఉంటుంది. ఇటువంటి పరిస్థితిలో, హెడ్లైట్, టెయిల్లైట్ చాలా ఉపయోగకరంగా ఉంటాయి. వాటి సాయంతో ముందు, వెనుక నుంచి వచ్చే వాహనాలు కనపడతాయి. ఇది కాకుండా, కారును తిప్పేటప్పుడు ఇతర డ్రైవర్లకు కూడా సిగ్నల్స్ ఇస్తుంటాకి. దీని కోసం, ఈ లైట్లు సరిగ్గా పనిచేయడం చాలా ముఖ్యం.

కారు పరిశుభ్రతపై ఫోకస్ చేయాలి..

వర్షాకాలంలో ఇంటి బయట పార్క్ చేసిన కార్లపై ధూళి, బురద పేరుకుపోయి, సకాలంలో శుభ్రం చేయకపోతే మరకలు ఏర్పడుతుంటాయి. ఇది మాత్రమే కాదు, ఇది మీ కారు వెలుపలికి చాలా నష్టం కలిగిస్తుంది. దీన్ని నివారించడానికి, కారును క్రమం తప్పకుండా శుభ్రం చేయాలి. ఇది కాకుండా, మీరు కారు వెలుపలి భాగంలో మైనపు పొరను కూడా ఏర్పాటు చేసుకోవచ్చు. ఇది ధూళి నుంచి కాపాడుతుంది.

విండ్‌షీల్డ్ చాలా ముఖ్యం..

వర్షాల సమయంలో కార్ వైపర్లు చాలా ముఖ్యమైన పాత్ర పోషిస్తాయి. వర్షాకాలంలో, కారు అద్దాలపై చాలా ధూళి, బురద పేరుకుపోతుంది. దీనిని విండ్‌షీల్డ్ సహాయంతో మాత్రమే శుభ్రం చేయాల్సి ఉంటుంది. వర్షంలో విండ్ షీల్డ్ లేకుండా కారు నడపడం అంత సులువు కాదు.

బ్రేకింగ్ సిస్టమ్‌ను ఎప్పటికప్పుడు తనిఖీ చేయాలి..

చాలా సార్లు వర్షం సమయంలో బ్రేకులు వేసేటప్పుడు కారు ఆగదు. దాని వల్ల అనేక రోడ్డు ప్రమాదాలు జరుగుతాయి. కారు ప్రమాదాలను నిరోధించడానికి బ్రేకింగ్ సిస్టమ్‌ను ఎప్పటికప్పుడు తనిఖీ చేసుకోవాలి.

టైర్లను జాగ్రత్తగా చూసుకోవాలి..

వర్షాకాలంలో రోడ్లు బురద, నీళ్లతో నిండి ఉంటాయి. దీని కారణంగా రోడ్డుపై టైర్లు జారిపోతుంటాయి. దీంతో కార్ టైర్లు త్వరగా అరిగిపోతుంటాయి. దీని కారణంగా ప్రమాదం జరిగే అవకాశాలు ఉంటాయి. కాబట్టి కారు టైర్లను తనిఖీ చేయడం అవసరం.