Two Wheeler Tips: వర్షాకాలంలో ఈ జాగ్రత్తలు తప్పనిసరి.. లేదంటే టూ వీలర్ జర్నీలో ఇబ్బందులే..!

Two Wheeler Driving Tips For Rainy Season: దేశంలో వర్షాకాలం మొదలైంది. ఈ సీజన్‌లో ఎక్కడికైనా వెళ్లడం కష్టంగా మారుతుంది. ప్రత్యేకించి మీరు స్కూటర్ లేదా మోటార్‌సైకిల్ వంటి ద్విచక్ర వాహనంలో ప్రయాణిస్తుంటే.. ముందుగా వాహనం విషయంలో కాస్త జాగ్రత్తలు తీసుకోవాలి. అలాగే కొన్ని విషయాలు గుర్తుపెట్టుకోవాలి. దీంతో వర్షంలో తడుస్తూ బైక్‌పై వెళ్లే సమయంలో ఎలాంటి ఇబ్బందులు ఎదురుకాకుండా సురక్షితంగా గమ్యాన్ని చేరుకోవచ్చు. బైక్ నడుపుతున్నప్పుడు మీరు గుర్తుంచుకోవలసిన కొన్ని విషయాలను ఇప్పుడు తెలుసుకుందాం..

టైర్ పరిస్థితి..

ఏదైనా బైక్‌లో టైర్లు బలంగా ఉంటేనే, వాటిని గ్రిప్ ఉంటుంది. ఇటువంటి పరిస్థితిలో, వర్షాకాలం రాకముందే, బైక్ రెండు టైర్లను జాగ్రత్తగా తనిఖీ చేయాలి. వాస్తవానికి, ప్రతి 3 నుంచి 4 సంవత్సరాలకు టైర్లు మార్చాల్సి ఉంటుంది. అయితే, మీరు బైక్ ఎంత దూరం నడుపుతున్నారనే దానిపై ఆధారపడి ఉంటుంది. మీ బైక్ టైర్లు అరిగిపోయినా లేదా పాడైపోయినా, వర్షాకాలం రాకముందే వాటిని మార్చుకోవాలి. అలాగే టైరులో పగుళ్లు కనిపిస్తే టైర్‌ని మార్చాల్సి ఉంటుంది.

టైరుపై ఒత్తిడి..

మీరు బైక్ నడుపుతున్నప్పుడల్లా రెండు టైర్లలో గాలి సరిపోయేలా ఉందో లేదో చూుకోవాలి. టైర్‌లో ఎక్కువ లేదా తక్కువ గాలి ఉంటే, అది బైక్ పనితీరును ప్రభావితం చేస్తుంది. దీంతో పాటు మైలేజీ కూడా తగ్గుతుంది. తక్కువ గాలి ఉంటే ఇంజిన్‌పై లోడ్ ఉంటుంది. ఎక్కువ గాలి ఉంటే గ్రిప్ బలహీనంగా మారుతుంది. మీ బైక్ రోజుకు 50 కిలోమీటర్ల కంటే ఎక్కువ ప్రయాణించినట్లయితే, మీరు ప్రతి 3-4 రోజులకు ఒకసారి గాలిని తనిఖీ చేయాల్సి ఉంటుంది.

హెల్మెట్ వైజర్‌ను జాగ్రత్తగా చూసుకోవాలి..

వాతావరణం ఎలా ఉన్నా హెల్మెట్ లేకుండా బైక్ నడపడం చాలా ప్రమాదకరం. హెల్మెట్ మన తలకు పూర్తి రక్షణను అందిస్తుంది. కాబట్టి, మీరు ద్విచక్ర వాహనం నడుపుతున్నప్పుడల్లా హెల్మెట్‌ను తప్పక ధరించాలి. దీనితో పాటు, హెల్మెట్ వైజర్‌ను కూడా తనిఖీ చేయాలి. అది విరిగిపోయినట్లయితే లేదా దానిపై ఎక్కువ గీతలు ఉన్నట్లయితే దానిని మార్చాల్సి ఉంటుంది. హెల్మెట్‌లో అమర్చిన వైజర్ క్లియర్‌గా ఉంటే, వర్షంలో బైక్ నడుపుతున్నప్పుడు మీరు ప్రతిదీ స్పష్టంగా చూడగలుగుతారు.

సమయానుకూలంగా సర్వీసింగ్..

వర్షాకాలానికి ముందు బైక్‌ను సర్వీసింగ్ చేయించేలా చూసుకోండి. ఎందుకంటే సర్వీస్ పూర్తి చేసిన తర్వాత, బైక్‌లో ఏదైనా చిన్న సమస్య ఉంటే, అది రిపేర్ చేస్తారు. సర్వీస్ సమయంలో ఇంజిన్ ఆయిల్, ఎయిర్ ఫిల్టర్, చైన్ సెట్, బ్రేక్‌లు మరమ్మతులు చేస్తారు. దీనితో పాటు బైక్‌లోని ఏదైనా భాగం దెబ్బతిన్నట్లయితే, దానిని మరమ్మతు చేయించాలి లేదా మార్చాలి.

హెడ్‌లైట్లు, బ్యాటరీ..

సర్వీస్ చేస్తున్నప్పుడు మీ బైక్ హెడ్‌లైట్లు, టెయిల్‌లైట్‌లను కూడా చెక్ చేసుకోండి. లైట్ త్రో తక్కువగా అనిపిస్తే, దాని బల్బ్ మార్చండి. దీనితో పాటు, బైక్ సిగ్నల్, బ్యాక్‌లైట్‌ను కూడా తనిఖీ చేయాలి. బైక్ బ్యాటరీని కూడా చెక్ చేయాలి.