Maruti Alto K10: డౌన్‌పేమెంట్ లేదు.. కేవలం రూ.7 వేల ఈఎంఐతో కార్ ఇంటికి తెచ్చుకోండి.. 35 కి.మీల మైలేజీతో అదిరిపోయే ఫీచర్లు..!

Maruti Alto K10 Details: మారుతి సుజుకి ఆల్టో కే10.. ఇది పెట్రోల్‌తో పాటు CNG ఆప్షన్‌లో కూడా అందుబాటులో ఉంది. ఇందులో ఐదుగురు కూర్చునే సామర్థ్యం ఉంది. 35 కి.మీల మైలేజీతోపాటు నెలకు నిర్వహణ ఖర్చు కేవలం రూ.500ల రూపాయలే కావడం గమనార్హం. ఈ కారు బేస్ వేరియంట్‌పై 100 శాతం ఫైనాన్స్ చేస్తే, దాదాపు రూ.7000 EMIతో ఇంటికి తీసుకురావొచ్చు.

ఆల్టో కె10 ఇంజన్..

BS-VI ఫేజ్ 2 కంప్లైంట్ 1.0 లీటర్ పెట్రోల్ ఇంజన్ ఆల్టో కె10లో అందుబాటులో ఉంది. ఈ ఇంజన్ 67 PS శక్తిని ఉత్పత్తి చేస్తుంది. 89 Nm టార్క్ ఇస్తుంది. అయితే, CNGలో పవర్ అవుట్‌పుట్ తగ్గుతుంది. CNGలో, ఈ ఇంజన్ 57PS, 82.1Nm శక్తిని ఉత్పత్తి చేస్తుంది. CNG వేరియంట్ 5-స్పీడ్ మాన్యువల్ గేర్‌బాక్స్‌ను మాత్రమే పొందుతుంది. పెట్రోల్ వేరియంట్‌లు 5-స్పీడ్ మాన్యువల్, AMT గేర్‌బాక్స్ ఎంపికను పొందుతాయి.

ఇది పెట్రోల్‌పై లీటరుకు 25 కిలోమీటర్ల వరకు మైలేజీని ఇస్తుంది. అయితే CNGలో మైలేజ్ చాలా ఎక్కువగా ఉంటుంది. CNGలో, ఈ కారు కిలోకు 35 కిమీ వరకు మైలేజీని అందిస్తుంది. దీని నిర్వహణ కూడా చాలా తక్కువ.

దీని నిర్వహణ వార్షిక వ్యయం సుమారు 6-7 వేల రూపాయలు. అంటే నెలకు దాదాపు 500 రూపాయలు మాత్రమే. అయితే, ఇది సాధారణ సర్వీస్ ఛార్జీ. ఇందులో ఏ స్పేర్ పార్ట్ రీప్లేస్‌మెంట్ ఖర్చు ఉండదు. విడిభాగాల భర్తీ విషయంలో మాత్రం ఖర్చు పెరుగుతుంది.

ఆల్టో కె10 బేస్ మోడల్ ధర రూ. 3.99 లక్షలు (ఎక్స్-షోరూమ్). దీని ఆన్-రోడ్ ధర దాదాపు రూ. 4.41 లక్షలుగా ఉంది. మీరు దాని ఆన్-రోడ్ ధర (పూర్తి కాస్ట్ లోన్)పై 7 సంవత్సరాల పాటు 9 శాతం వడ్డీ రేటుతో లోన్ తీసుకుంటే, అప్పుడు EMI దాదాపు రూ.7,108 అవుతుంది.