Bikes Under 150000: రూ.1.50 లక్షల బడ్జెట్‌లో స్టైలిష్ బైక్‌లు.. మైలేజీ, ఫీచర్లు చూస్తే ఫిదా అయిపోతారంతే..!

Bikes Under 150000: మీరు స్పోర్ట్స్, స్టైలిష్ బైక్‌ను కొనుగోలు చేయాలని ప్లాన్ చేస్తున్నారా.. మీ బడ్జెట్ రూ. 1.5 లక్షలుగా ఉంటే, మార్కెట్లో చాలా మంచి ఎంపికలు అందుబాటులో ఉన్నాయి. మైలేజీ, ఫీచర్లు, లుక్స్ పరంగా ఈ బైక్ లు ఖరీదైన బైక్ లతో పోటీ పడుతున్నాయి. అయితే, ఈ బడ్జెట్‌లో కొన్ని బైక్‌లు మార్కెట్లో అందుబాటులో ఉన్నాయి. మరికొన్ని ఈ సంవత్సరం విడుదల చేయబోతున్నాయి. వాటి గురించి ఇప్పుడు చెప్పుకుందాం..

1.5 లక్షల బడ్జెట్‌లో రాయల్ ఎన్‌ఫీల్డ్ హంటర్ 350 బైక్ ప్రియులకు మంచి ఎంపిక. 349.34 cc ఎయిర్-కూల్డ్ సింగిల్ సిలిండర్ ఇంజిన్‌తో అమర్చబడిన ఈ బైక్ 36.2 KMPL మైలేజీని ఇస్తుంది. ఇది కాకుండా, హంటర్‌లో ట్యూబ్‌లెస్ టైర్లు, డబుల్ డిస్క్ బ్రేక్‌లు ఉన్నాయి. హంటర్ 350 రెట్రో వేరియంట్ ఎక్స్-షోరూమ్ ధర రూ.1,49,900లుగా ఉంది.

మీరు రూ. 1.5 లక్షల లోపు రెట్రో లుకింగ్ బైక్‌ను కొనుగోలు చేయాలనుకుంటే, యమహా ఎఫ్‌జెడ్‌ఎక్స్ గొప్ప ఎంపిక. రాయల్ ఎన్‌ఫీల్డ్ హంటర్ లేదా టీవీఎస్ రోనిన్‌తో పోటీపడే ఈ బైక్ ధర రూ.1,36,900 ఎక్స్-షోరూమ్ నుంచి ప్రారంభమవుతుంది. 149 CC ఇంజిన్, ట్రాక్షన్ కంట్రోల్‌తో వస్తున్న ఈ బైక్ 45 KMPL మైలేజీని ఇస్తుంది.

బజాజ్ అవెంజర్ క్రూయిస్ 220 అనేది స్ట్రీట్ 160 కీలక వెర్షన్. ఇందులో 220సీసీ, సింగిల్ సిలిండర్, ఆయిల్ కూల్డ్ ఇంజన్‌ని అమర్చారు. అవెంజర్ క్రూజ్ 220 ధర రూ.1.38 లక్షలు. అదే సమయంలో, దీని మైలేజ్ లీటరుకు 40 కిలోమీటర్లు.

సుజుకి Gixxer SF 155cc 4-స్ట్రోక్ సింగిల్ సిలిండర్ ఇంజన్‌ని కలిగి ఉంది. ఈ బైక్ ప్రారంభ ధర ₹ 1,37,100 (ఎక్స్-షోరూమ్). ఈ స్పోర్టీ బైక్ 45 KMPL మైలేజీని ఇస్తుంది.

Hero Xtreme 200S 4V: హీరో ఎక్స్‌ట్రీమ్ 200S 4V ధర రూ. 1,41,250. ఈ స్పోర్ట్స్ బైక్‌లో XSense టెక్నాలజీతో కూడిన 200cc 4 వాల్వ్ ఆయిల్ కూల్డ్ OBD2 ఇంజన్ కలదు. ఈ బైక్ లీటరుకు సగటున 40 కిలోమీటర్ల వరకు ప్రయాణిస్తుంది.

టీవీఎస్ జెప్పెలిన్ క్రూయిజర్ బైక్. ఇది మార్చి 2024లో ప్రారంభించబడుతుందని భావిస్తున్నారు. దీని అంచనా ధర ₹ 1.50 లక్షలు. 220 CC ఇంజిన్‌తో వస్తున్న ఈ బైక్ మైలేజ్ 44 KMPL. TVS జెప్పెలిన్ Komaki రేంజర్, రాయల్ ఎన్‌ఫీల్డ్ హంటర్ 350తో పోటీపడనుంది.