Electricity Bill: వేసవిలో ఏసీ, కూలర్లతో కరెంట్ బిల్లు మోత మోగుతుందా.. ఈ పథకంతో ఫ్రీ కరెంట్ దొరుకుతుంది

PM Surya Ghar Muft Bijli Yojna: ప్రధాన మంత్రి సూర్య ఘర్ ఉచిత విద్యుత్ పథకం కింద సోలార్ ప్యానెల్స్ ఏర్పాటు పనులు చాలా వేగంగా జరుగుతున్నాయి. ఈ కార్యక్రమాన్ని ప్రధానమంత్రి నరేంద్ర మోడీ ఫిబ్రవరి 13, 2024న ప్రారంభించారు. ఇది మార్చి 10, 2025 నాటికి 10 లక్షలకు పైగా ఇన్‌స్టాలేషన్‌ల మార్కును దాటింది. ఇప్పటివరకు 10.09 లక్షల ఇళ్లలో సౌర విద్యుత్ ప్లాంట్లను ఏర్పాటు చేశారు.

సౌరశక్తిని ఉపయోగించి కోటి ఇళ్లకు ఉచిత విద్యుత్ అందించడం ఈ ప్రభుత్వ పథకం లక్ష్యం. ఇది సాంప్రదాయ ఇంధన వనరులపై ఆధారపడటాన్ని తగ్గిస్తుంది. అంతేకాకుండా కార్బన్ ఉద్గారాలను తగ్గిస్తుంది. పర్యావరణాన్ని క్లీన్ చేస్తుంది. ఈ పథకం కింద ఇళ్లలో సౌర విద్యుత్ ప్లాంట్లను ఏర్పాటు చేసుకోవడానికి ఇప్పటివరకు 47.3 లక్షల దరఖాస్తులు వచ్చాయి.

వీరిలో 6.13 లక్షల మంది లబ్ధిదారులు ఇప్పటికే రూ.4,770 కోట్ల సబ్సిడీని పొందారు. దీని కోసం మీరు www.pmsuryaghar.gov.in పోర్టల్‌ సాయంతో దరఖాస్తు చేసుకోవచ్చు. ఈ పథకాన్ని MNRE నిర్వహిస్తుండగా, విద్యుత్ సంస్థలు దీనిని అమలు చేయడంలో సహాయం చేస్తున్నాయి.

ఈ పథకం కింద ఇళ్ల పై కప్పుల మీద ఏర్పాటు చేసిన సోలార్ ప్యానెల్స్ విద్యుత్తును ఉత్పత్తి చేస్తాయి. ఇది ఇళ్లకు చౌకగా విద్యుత్తును అందిస్తుంది. ఇందులో ప్రభుత్వం పైకప్పు సౌర ఫలకాలను ఏర్పాటు చేయడంపై సబ్సిడీని కూడా ఇస్తుంది. 1 కిలోవాట్‌కు రూ.30,000, 2 కిలోవాట్‌కు రూ.60,000, 3 కిలోవాట్‌కు రూ.78,000 సబ్సిడీ లభిస్తుంది. సౌర ఫలకాలను ఏర్పాటు చేయడానికి అయ్యే ఖర్చు గురించి మాట్లాడుకుంటే.. 1 కిలోవాట్ దాదాపు రూ. 90 వేలు, 2 కిలోవాట్ దాదాపు రూ. 1.5 లక్షలు, 3 కిలోవాట్ రూ. 2 లక్షల వరకు ఖర్చవుతుంది.

ప్రభుత్వం అందించే సబ్సిడీ ప్యానెల్‌ను ఏర్పాటు చేసే భారాన్ని కొంతవరకు తగ్గిస్తుంది. ఇది మాత్రమే కాదు, ప్యానెల్‌ను ఇన్‌స్టాల్ చేయడానికి, మీకు దాదాపు 7శాతం వడ్డీ రేటుతో లోన్ లభిస్తుంది. మీ సోలార్ ప్యానెల్ చాలా విద్యుత్తును ఉత్పత్తి చేస్తుంది. మొత్తం వినియోగించలేదు. అప్పుడు ఈ పరిస్థితిలో అదనపు విద్యుత్తును అమ్మి డబ్బులు సంపాదించుకోవచ్చు.

ఇలా దరఖాస్తు చేసుకోవాలి

* ముందుగా, pmsuryaghar.gov.in పోర్టల్‌కి వెళ్లి మీ రాష్ట్రం, విద్యుత్ సంస్థ పేరును ఎంచుకోండి.

* ఇప్పుడు రిజిస్ట్రేషన్ కోసం వినియోగదారు నంబర్, మొబైల్ నంబర్, ఇమెయిల్ ఐడిని నమోదు చేయండి.

* ఇప్పుడు లాగిన్ అయి దరఖాస్తు ఫారమ్ నింపి సమర్పించాలి.

* దరఖాస్తు తర్వాత, విద్యుత్ సంస్థ తనిఖీ కోసం మీ ఇంటికి వస్తుంది. ఆమోదం పొందిన తర్వాత మాత్రమే తదుపరి ప్రక్రియ ప్రారంభమవుతుంది.

* ఇప్పుడు మీరు రిజిస్టర్డ్ విక్రేత నుండి సోలార్ ప్యానెల్లను ఏర్పాటు చేసుకోవాలి.

* దీనితో పాటు, నెట్ మీటర్ కూడా ఏర్పాటు చేయాల్సి ఉంటుంది.

* ఇప్పుడు డిస్కామ్ తనిఖీ తర్వాత, కమీషనింగ్ సర్టిఫికేట్ పోర్టల్ నుండి జనరేట్ అవుతుంది.

* కమీషనింగ్ నివేదిక అందిన తర్వాత, మీరు మీ బ్యాంక్ ఖాతా వివరాలను, క్యాన్సిల్ చెక్ ను పోర్టల్ ద్వారా సమర్పించాలి.

* సబ్సిడీ మొత్తం 30 రోజుల్లోపు మీ బ్యాంకు ఖాతాలో జమ అవుతుంది.