Oben Freedom Offer: గుడ్ న్యూస్ చెప్పిన ఒబెన్.. ఎలక్ట్రిక్ బైక్‌పై ఊహించని డిస్కౌంట్..!

Oben Freedom Offer: దేశంలోని ఎలక్ట్రిక్ బైక్‌ల సెగ్మెంట్‌లో అనేక సరికొత్త కంపెనీలు ఎంట్రీ ఇస్తున్నాయి. కొత్త టెక్నాలజీతో బైక్‌లను అందిస్తున్నాయి. వాటి వినియోగం కూడా రోజురోజుకు పెరిగిపోతుంది. అలానే వాటి డిమాండ్‌కు కూడా ఇప్పుడల్లా తగ్గేలా కనిపించడం లేదు. కస్టమర్లను ఆకర్షించేందుకు కంపెనీలు కొత్త ఆఫర్లను అందజేస్తున్నాయి. ఆగస్టు 15 సందర్భంగా ఒబెన్ ఎలక్ట్రిక్ ఫ్రీడమ్ ఆఫర్‌ను అందించింది. ఈ ఆఫర్ కింద కస్టమర్లు బైక్ పై వేల రూపాయలు ఆదా చేసుకోవచ్చు. ఒబెన్ రోర్ ధర రూ.1.50 లక్షలు. ఈ బైక్‌పై అందుబాటులో ఉన్న ఆఫర్‌ల గురించి తెలుసుకుందాం.

ఒబెన్ ఎలక్ట్రిక్ తన ఒబెన్ రోర్ బైక్‌పై ఫ్రీడమ్ ఆఫర్‌ను ప్రవేశపెట్టింది. ఈ ఆఫర్ కింద ఆగస్ట్ 15 వరకు బైక్ కొనుగోలుపై రూ. 25,000 ఆదా చేసే అవకాశం ఉంది. ఒబెన్ రోర్ ధర రూ.1.50 లక్షలు. ఇది పవర్‌ఫుల్ స్టైలిష్ బైక్. ఈ ఎలక్ట్రిక్ బైక్ IP67 రేటింగ్‌తో 4.4 kWh కెపాసిటీ బ్యాటరీని కలిగి ఉంది. ఈ బైక్‌ను ఫుల్ ఛార్జ్ చేస్తే 187కిమీల రేంజ్ ఇస్తుంది. 80 శాతం వరకు ఛార్జ్ చేయడానికి 2 గంటలు పడుతుంది. దీని టాప్ స్పీడ్ గంటకు 100 కిలోమీటర్ల వరకు ఉంటుంది. ఇది కేవలం 3 సెకన్లలో 0-40 కి.మీల వేగాన్ని అందుకోగలదు.

ఒబెన్ రోర్ ఎలక్ట్రిక్ బైక్‌లో చాలా మంచి ఫీచర్లు అందుబాటులో ఉన్నాయి. ఇది 200 mm గ్రౌండ్ క్లియరెన్స్, 230 mm వాటర్ వాడింగ్, ఎకో, సిటీ, హవోక్ రైడింగ్ మోడ్‌లతో వస్తుంది. దీనిలో కనెక్టెడ్ వైర్‌లెస్ ఫీచర్లు ఉంటాయి. ఇది రైడర్ అలర్ట్ సిస్టమ్, జియో ఫెన్సింగ్ థెఫ్ట్ ప్రొటెక్షన్ వంటి ఫీచర్లను కలిగి ఉంది. కంపెనీ బ్యాటరీపై మూడేళ్లు లేదా 50 వేల కిలోమీటర్ల వారంటీని కూడా ఇస్తుంది. ఒబెన్ రోర్ ఎలక్ట్రిక్ బైక్ ప్రత్యక్ష పోటీ Revolt RV 400 ఎలక్ట్రిక్ బైక్‌తో ఉంది.