Hyundai Creta EV Launch: హ్యుందాయ్ లాంచ్ చేసే కొత్త కార్లు ఇవే.. ఫీచర్లు, పవర్‌ట్రెయిన్‌పై ఓ లుక్కేయండి..!

Hyundai Creta EV Launch: హ్యుందాయ్ కార్లకు భారతీయ కస్టమర్లలో ఎప్పుడూ డిమాండ్ ఉంటుంది. మారుతి సుజుకి తర్వాత భారతదేశంలో రెండవ అతిపెద్ద కార్లను విక్రయించే కంపెనీ హ్యుందాయ్ ఇండియా. ఇప్పుడు కంపెనీ తన పలు మోడళ్లను రానున్న రోజుల్లో భారత మార్కెట్లోకి విడుదల చేసేందుకు సన్నాహాలు చేస్తోంది. హ్యుందాయ్ రాబోయే మోడల్‌లో ఎలక్ట్రిక్ కారు కూడా ఉంది. మీరు కొత్త హ్యుందాయ్ కారును కొనుగోలు చేయాలనుకుంటున్నట్లయితే ఈ వార్త మీకు ఉపయోగకరంగా ఉంటుంది. రాబోయే హ్యుందాయ్ 4 కార్ల  ఫీచర్లు, పవర్‌ట్రెయిన్, ధర గురించి వివరంగా తెలుసుకుందాం.

హ్యుందాయ్ టక్సన్ ఫేస్‌లిఫ్ట్
హ్యుందాయ్ గత సంవత్సరం తన పాపులర్ SUV టక్సన్ అప్‌డేట్ వెర్షన్‌ను ప్రపంచవ్యాప్తంగా విడుదల చేసింది. ఇప్పుడు కంపెనీ హ్యుందాయ్ టక్సన్ ఫేస్‌లిఫ్ట్‌ను భారత మార్కెట్లో కూడా విడుదల చేయడానికి సన్నాహాలు చేస్తోంది. హ్యుందాయ్ టక్సన్ ఇండియన్ మార్కెట్లో లాంచ్ చేయబోయే ఎక్స్‌టీరియర్,  ఇంటీరియర్‌లో పెద్ద మార్పు ఉంటుంది.

హ్యుందాయ్ క్రెటా EV
మరోవైపు కంపెనీ తన బెస్ట్ సెల్లింగ్ SUV హ్యుందాయ్ క్రెటా ఎలక్ట్రిక్ వేరియంట్‌ను కూడా విడుదల చేయడానికి సన్నాహాలు చేస్తోంది. టెస్టింగ్ సమయంలో హ్యుందాయ్ క్రెటా EV చాలాసార్లు రోడ్లపై కనిపించింది. హ్యుందాయ్ క్రెటా EV తన వినియోగదారులకు ఒక్కసారి ఛార్జ్ చేస్తే దాదాపు 400 కిలోమీటర్ల పరిధిని అందజేస్తుంది. మార్కెట్లో, హ్యుందాయ్ క్రెటా EV ఇటీవల లాంచ్ అయిన టాటా కర్వ్ EV, రాబోయే మారుతి సుజుకి eVXతో పోటీపడుతుంది.

హ్యుందాయ్ వెన్యూ ఫేస్‌లిఫ్ట్
భారతీయ కస్టమర్లలో ప్రసిద్ధి చెందిన హ్యుందాయ్ వెన్యూ కూడా అప్‌డేటెడ్ వెర్షన్‌లోకి ప్రవేశించడానికి సిద్ధమవుతోంది. హ్యుందాయ్ వెన్యూ ఫేస్‌లిఫ్ట్  ఎక్ట్సీరియర్, ఇంటీరియర్‌లో కంపెనీ పెద్ద మార్పులు చేయబోతోంది. అయితే కారు పవర్‌ట్రెయిన్‌లో ఎలాంటి మార్పులు వచ్చే అవకాశం లేదు.

హ్యుందాయ్ ఇన్‌స్టర్ EV
 హ్యుందాయ్ ఇండియా మరొక ఎలక్ట్రిక్ కారును తయారు చేస్తోంది. ఇది ఇన్‌స్టర్ EV కావచ్చు. 2025 చివరిలో లేదా 2026 ప్రారంభంలో కంపెనీ హ్యుందాయ్ ఇన్‌స్టర్ EVని ప్రారంభించవచ్చని నివేదికలు పేర్కొంటున్నాయి. అయితే కారు పవర్‌ట్రెయిన్, డ్రైవింగ్ రేంజ్ గురించి ఇంకా పెద్దగా వెల్లడించలేదు.