Horoscope Today: ఈ రాశి వారి ప్రతిభకు తగిన గుర్తింపు.. 12 రాశుల వారికి బుధవారంనాటి రాశిఫలాలు

26-06-2024 (బుధవారం)

కాలాదులు: శ్రీ క్రోధి నామ సంవత్సరం, జ్యేష్టమాసం, ఉత్తరాయణం, గ్రీష్మ రుతువు, కృష్ణపక్షం

తిధి : పంచమి రాత్రి గం.8.55 ని.ల వరకు ఆతర్వాత షష్ఠి

నక్షత్రం: ధనిష్ట మధ్యాహ్నం గం.1.05 ని.ల వరకు ఆతర్వాత శతభిషం

అమృతఘడియలు: రేపు తె.వా.గం.4.51 ని.ల నుంచి గం.6.21 ని.ల వరకు

వర్జ్యం: రాత్రి గం.7.50 ని.ల నుంచి గం.9.20 ని.ల వరకు

దుర్ముహూర్తం : ఉదయం గం.11.53 ని.ల నుంచి గం.12.45 ని.ల వరకు

రాహుకాలం : మధ్యాహ్నం గం.12.19 ని.ల నుంచి గం.1.58 ని.ల వరకు

సూర్యోదయం : తె.వా.గం.5.44 ని.లకు

సూర్యాస్తమయం :సా.గం.6.54 ని.లకు

మేషం :

ఆశించిన ఫలితం లభిస్తుంది. ఇంట్లో శుభం జరుగుతుంది. అవసరమైన సౌకర్యాలు ఏర్పరచుకుంటారు. అవసరమైన వారి నుంచి తగిన సహకారం అందుతుంది. సంతాన వ్యవహారాలు మనశ్శాంతిని కలిగిస్తాయి.

వృషభం :

స్థిర చిత్తంతో చేపట్టే అన్ని పనుల్లో విజయం సాధిస్తారు. అభీష్టం నెరవేరే అవకాశాలు మెరుగ్గా ఉన్నాయి. ఉద్యోగులు అధికారుల మన్ననలు పొందుతారు. ఆత్మవిశ్వాసం పెరుగుతుంది. శత్రుపీడ బాగా తగ్గుతుంది.  

మిథునం :

ఆశించిన ప్రయోజనాలు నెరవేరవు. ఉద్యోగులు అప్రమత్తంగా ఉండాలి. విద్యార్థుల ఉన్నత విద్యాప్రయత్నాల్లో జాప్యం ఏర్పడుతుంది. అయినవారితోనే విరోధం గోచరిస్తోంది. సంభాషణల్లో జాగ్రత్త.

కర్కాటకం:

అయిష్టంగానే అయినా పనులు చేయక తప్పదు. ఏమాత్రం అజాగ్రత్తగా ఉన్నా పైవారి నుంచి మాటలు పడాల్సి వస్తుంది. అపోహలు పెరుగుతాయి. తగాదాలకు ఆస్కారం ఉంది. సుబ్రహ్మణ్యుడిని పూజించండి.

సింహం :

చేపట్టిన పనులు సఫలమవుతాయి. ఆకస్మిక ధనలాభం ఉంది. జీవిత భాగస్వామితో సఖ్యత పెరుగుతుంది. బంధుమిత్రులను కలుస్తారు. అందరితోనూ బంధాలు బలపడతాయి. కొత్త విషయాలను తెలుసకుంటారు.  

కన్య :

ఆశయ సాధనలో ముందడుగు వేస్తారు. పరిచయస్తులందరి ప్రోత్సాహాన్ని పొందుతారు. మిమ్మల్ని వ్యతిరేకించే వారిని దారిలోకి తెచ్చుకుంటారు. ఆరోగ్యం మెరుగ్గా ఉంటుంది. కీర్తి ప్రతిష్టలు పెరుగుతాయి.

తుల :

అనవసర ఖర్చులు తగ్గించండి. చేస్తున్న పనుల్లో ఆటంకాలను ఎదుర్కోవాలి. ఆలోచనలు సవ్యంగా సాగవు. అనుమానాలు పెరుగుతాయి. సంతానం తీరు నిరాశను కలిగిస్తుంది. మహాగణపతిని పూజించడం మేలు. 

వృశ్చికం :

ప్రతి పనిలోనూ అడ్డంకులుంటాయి. భూసంబంధ వ్యవహారాలు సవ్యంగా సాగవు. విద్యాలయాల నిర్వహణ ఇబ్బందిగా ఉంటుంది. మనశ్శాంతి కరువవుతుంది. వృథాఖర్చులు తగ్గించాలి. శ్రీనివాసుని పూజించండి. 

ధనుస్సు :

కార్యాల్లో విశేష లాభం గోచరిస్తోంది. అన్నివైపులా మంచే జరుగుతుంది. ఆదాయం మెరుగవుతుంది. సోదరవర్గం తోడ్పాటుతో కీలక సమస్య నుంచి గట్టెక్కుతారు. ఇంట్లో శాంతి ఉంటుంది. ధైర్యం పెరుగుతుంది.  

మకరం :

పనులకు విఘ్నాలు వస్తాయి. కీలక వ్యవహారాల్లో తొందరపాటు నిర్ణయాలు తీసుకోకండి. ఆత్మీయులను సంప్రదించండి. మాట తప్పడం వల్ల నిందలు వస్తాయి. కంటిసమస్యలుంటాయి. పార్వతీదేవిని పూజిచండి.

కుంభం :

పనులు అనుకున్న రీతిలోనే సాగుతాయి. అంతులేని ఆనందాన్ని పొందుతారు. ధనలాభం ఉంది. నిరుద్యోగులకు శుభవార్త అందుతుంది. కష్ట సమయాల్లో అదృష్టం తోడవుతుంది. విందుల్లో పాల్గొంటారు.  

మీనం :

ప్రయత్నాలు బెడిసికొట్టడం మనసుని కలతబారుస్తుంది. బంధువుల నుంచి మాట పడాల్సి వస్తుంది. ఇంటికి దూరంగా వెళ్లే పరిస్థితి ఉంది. వేళకు భోజనం ఉండదు. మిత్రుల వ్యవహారాల్లో అప్రమత్తంగా ఉండండి.