Horoscope Today: నేటి మీ రాశి ఫలాలు ఇలా (27/11/2024)

Telugu Horoscope Today, November 27, 2024: నేటి రాశి ఫలాలు..12 రాశుల వారికి బుధవారం నాటి రాశిఫలాలు.

కాలాదులు: శ్రీ క్రోధి నామ సంవత్సరం, కార్తీక మాసం, దక్షిణాయనం, శరదృతువు, కృష్ణ పక్షం.

తిధి: ద్వాదశి రేపు ఉదయం గం.6.23 ని.ల వరకు ఆ తర్వాత త్రయోదశి.

నక్షత్రం: చిత్త పూర్తి.

అమృతఘడియలు: అర్ధరాత్రి గం.12.24 ని.ల నుంచి గం.2.12 ని.ల వరకు.

వర్జ్యం: మధ్యాహ్నం గం.1.35 ని.ల నుంచి గం.3.23 ని.ల వరకు.

దుర్ముహూర్తం: ఉదయం గం.11.41 ని.ల నుంచి మధ్యాహ్నం గం. 12.26 ని.ల వరకు.

రాహుకాలం: మధ్యాహ్నం గం.12.04 ని.ల నుంచి గం.1.28 ని.ల వరకు.

సూర్యోదయం: తె.వా. గం. 6.28 ని.లకు.

సూర్యాస్తమయం: సా. గం. 5.40 ని.లకు.

మేషం

పనుల పూర్తికి బాగా కష్టపడాల్సి వుంటుంది. ఇతరుల నుంచి పెద్దగా సహకారం లభించదు. ఆర్థిక లావాదేవీల్లో జాగ్రత్త. కుటుంబ వ్యవహారాలపై శ్రద్ధ పెట్టాలి. నిందలు వస్తాయి. తొందరపాటు నిర్ణయాలు తీసుకోకండి.

వృషభం

అన్ని పనులూ సవ్యంగా సాగుతాయి. ఆర్థిక వ్యవహారాలు లాభసాటిగా ఉంటాయి. వాహనయోగం ఉంది. బంధాలు బలపడతాయి. మీ వ్యక్తిత్వంతో ప్రముఖులను ఆకట్టుకుంటారు. మానసిక ఉల్లాసాన్ని పొందుతారు.

మిథునం 

బద్ధకాన్ని వదిలి పనిచేయాలి. వృథా ఖర్చులు పెరుగుతాయి. ఇంటికి దూరంగా వెళ్లే సూచన ఉంది. కోర్టు వ్యవహారాలను నిర్లక్ష్యం చేయకండి. ఇతరుల వ్యవహారాల్లో మితిమీరిన జోక్యం వద్దు. నిద్రలేమి వేధిస్తుంది.

కర్కాటకం

అభీష్టం నెరవేరుతుంది. ఆర్థిక ప్రయోజనాలను పొందుతారు. శత్రుపీడ తొలగిపోతుంది. శుభకార్యాల్లో పాల్గొంటారు. సంతాన సంబంధ సౌఖ్యాన్ని అనుభవిస్తారు. ఆరోగ్యం బావుంటుంది. మనశ్శాంతి లభిస్తుంది.

సింహం 

ప్రతి ప్రయత్నమూ సఫలం అవుతుంది. వృత్తి, ఉద్యోగాల్లోని వారికి శుభప్రదంగా ఉంటుంది. సహచరులు సహకరిస్తారు. గౌరవం వృద్ధి చెందుతుంది. కొత్త బాధ్యతలను చేపడతారు. కుటుంబ సౌఖ్యాన్ని పొందుతారు.

కన్య 

ప్రయత్నాలకు అడ్డంకులు ఎదురవుతాయి. సంతానం తీరు కోపం తెప్పిస్తుంది. దూరప్రయాణం గోచరిస్తోంది. వైద్యం కోసం ఖర్చు చేస్తారు. బంధువర్గంతో అకారణ తగాదాలు వస్తాయి. గురు సమానులను కలుస్తారు.

తుల 

పనులు ఆశించిన స్థాయిలో జరగవు. తొందరపాటు చర్యలతో పెద్దల కోపానికి గురవుతారు. పోటీలకు దూరంగా ఉండండి. అనవసర విషయాల్లో జోక్యం వల్ల తగాదాలు వస్తాయి. వాహనం నడిపేటప్పుడు జాగ్రత్త.

వృశ్చికం 

వ్యవహారాలన్నీ విజయవంతం అవుతాయి. ఆర్థిక లబ్ది చేకూరుతుంది. విందుకు హాజరవుతారు. జీవిత భాగస్వామితో సఖ్యత పెరుగుతుంది. ప్రయాణం లాభసాటిగా ఉంటుంది. శత్రువులపై విజయం సాధిస్తారు.

ధనుస్సు 

కీలకమైన పని సఫలమవుతుంది. ధనలాభం ఉంది. మిత్రులు సహకరిస్తారు. కొత్త వస్తువులను కొంటారు. అపార్థాలు తొలగిపోతాయి. కోర్టు వ్యవహారాలు అనుకూలంగా సాగుతాయి. ఆరోగ్యం మెరుగ్గా ఉంటుంది.

మకరం 

కార్యసాధనలో ఆటంకాలు వేదనకు గురి చేస్తాయి. మీ మేధస్సుకు తగిన గుర్తింపు లభించదు. అవసరమైన డబ్బు చేతికి అందుతుంది. బద్ధకం వదిలిపెట్టాలి. వాత సంబంధ సమస్యలొస్తాయి. విలువైన వస్తువులు భద్రం.

కుంభం 

బుద్ధి నిలకడగా ఉండదు. తొందరపాటు నిర్ణయాల వల్ల వ్యవహారాలు చెడిపోతాయి. ఆర్థికంగానూ నష్టపోతారు. మానసిక ఒత్తిడి పెరుగుతుంది. స్థిరాస్తి వ్యవహారాలు వాయిదా వేయండి. బంధు విరోధముంది.

మీనం 

ప్రతి పనీ విజయవంతం అవుతుంది. ఆర్థిక లబ్ది ఉంది. నాయకత్వ లక్షణాలతో పెద్దల మన్ననలను పొందుతారు. ఆత్మవిశ్వాసం పెరుగుతుంది. కుటుంబ సౌఖ్యం లభిస్తుంది. సోదరులతో సఖ్యత పెరుగుతుంది.