తెలంగాణ టెట్ నోటిఫికేషన్ విడుదల: పరీక్షలు ఎప్పుడంటే?

TS TET Notification 2024: తెలంగాణ టెట్ నోటిఫికేషన్ ను సోమవారం తెలంగాణ పబ్లిక్ సర్వీస్ కమిషన్ విడుదల చేసింది. ఈ నెల 20 వరకు ఆన్‌లైన్‌లో దరఖాస్తులు స్వీకరించనున్నారు. 2025 జనవరి 1 నుంచి 20 వరకు పరీక్షలు నిర్వహిస్తారు. ఈ ఏడాది మే లో నిర్వహించిన టెట్ పరీక్షకు 2,35,000 మంది అభ్యర్ధులు హాజరయ్యారు. 1,09, 000 మంది అభ్యర్ధులు అర్హత సాధించారు.

ఈ ఏడాది ఆగస్టులో రాష్ట్ర ప్రభుత్వం జాబ్ క్యాలెండర్ ను విడుదల చేసింది. ఈ జాబ్ క్యాలెండర్ విడుదల సమయంలో రెండు సార్లు టెట్ పరీక్షలు నిర్వహిస్తామని ప్రకటించింది. ఈ హమీ మేరకు రెండోసారి టెట్ పరీక్షను నిర్వహించేందుకు ఇవాళ నోటిఫికేషన్ జారీ చేశారు. టెట్ పేపర్-1 కు డీఈడీ, పేపర్-2 కు బీఈడీ పూర్తి చేసిన వారు అర్హులు. స్కూల్ అసిస్టెంట్‌గా పదోన్నతి పొందేందుకు టెట్ అర్హత ఉండాలి. దీంతో టెట్ పరీక్ష రాసేందుకు ప్రస్తుతం టీచర్ ఉద్యోగాలు చేస్తున్నవారు కూడా దరఖాస్తులు చేస్తారు.