TGPSC Group 2 exams schedule: తెలంగాణ గ్రూప్ 2 పరీక్షల కొత్త షెడ్యూల్ ఇదే

TGPSC Group 2 exams schedule: తెలంగాణ గ్రూప్ 2 పరీక్షల కొత్త షెడ్యూల్ విడుదలైంది. డిసెంబర్ 15, 16వ తేదీల్లో గ్రూప్ 2 పరీక్షలు నిర్వహించనున్నట్లు తెలంగాణ పబ్లిక్ సర్వీస్ కమిషన్ ప్రకటించింది. ఈ మేరకు గురువారం టిజిపీఎస్సీ ఓ అధికారిక ప్రకటన విడుదల చేసింది.

వాస్తవానికి మొదట విడుదల చేసిన షెడ్యూల్ ప్రకారం ఈ ఆగస్టు 7, 8వ తేదీల్లోనే ఈ పరీక్షలు జరగాల్సి ఉన్నప్పటికి.. అంతకంటే ముందే డీఎస్సీ పరీక్షలు ఉండటం.. గ్రూప్ 2 పరీక్షలకు, డీఎస్సీ పరీక్షకు సన్నద్ధం అయ్యేందుకు తగినంత సమయం లేనందున గ్రూప్ 2 పరీక్షలు వాయిదా వేయాల్సిందిగా అభ్యర్థులు అప్పట్లో తీవ్రస్థాయిలో ధర్నాలు చేశారు. దీంతో టీజీపీఎస్సీ గ్రూప్ 2 పరీక్షలను డిసెంబర్ నెలకు వాయిదా వేస్తున్నట్లు ప్రకటించింది. తాజాగా పరీక్షల తేదీలను ఖరారు చేస్తున్నట్టు ప్రకటించింది.