TS Projects: ప్రాజెక్టుల చుట్టూ తిరుగుతున్న తెలంగాణ రాజకీయాలు

TS Projects: తెలంగాణ రాజకీయాలు ప్రాజెక్టుల చుట్టూ తిరుగుతున్నాయి. బీఆర్ఎస్ చలో మేడిగడ్డకు కౌంటర్‌ టూర్‌ ప్లాన్‌ చేసింది కాంగ్రెస్. రేపు పాలమూరు-రంగారెడ్డి పర్యటనకు హస్తం పార్టీ పిలుపు నిచ్చింది. బీఆర్‌ఎస్‌ పాలనలో పాలమూరు-రంగారెడ్డిని విస్మరించారని కాంగ్రెస్‌ ఆరోపిస్తోంది. ఇందులో భాగంగా.. ఉమ్మడి రంగారెడ్డి, మహబూబ్‌నగర్‌ జిల్లా కాంగ్రెస్ నేతలు.. రేపు పాలమూరు-రంగారెడ్డి పర్యటనకు వెళ్లనున్నారు. ఇదిలా ఉంటే.. రేపు చలో మేడిగడ్డకు బీఆర్ఎస్‌ పిలుపునిచ్చింది. 150 మంది ప్రతినిధులతో బీఆర్ఎస్‌.. కాళేశ్వరం టూర్‌ను ప్లాన్‌ చేసింది. మేడిగడ్డపై ప్రజలకు వాస్తవాలు చెబుతామని బీఆర్‌ఎస్‌ ఇప్పటికే స్పష్టం చేసింది. బీఆర్ఎస్‌ టూర్‌ - కాంగ్రెస్‌ కౌంటర్‌ టూర్‌తో తెలంగాణ పాలిటిక్స్‌ ఒక్కసారిగా హీటెక్కాయి.