Ring Around Sun in Nizamabad : అప్పుడప్పుడు ఆకాశంలో కొన్ని అద్భుతాలు జరుగుతుంటాయి. వాటిని చూస్తే చాలు ఒళ్లు ఒక్కసారిగా పులకరించి పోతుంది.
Ring Around Sun in Nizamabad : అప్పుడప్పుడు ఆకాశంలో కొన్ని అద్భుతాలు జరుగుతుంటాయి. వాటిని చూస్తే చాలు ఒళ్లు ఒక్కసారిగా పులకరించి పోతుంది. ఇలాంటి అద్భుతమే బుధవారం నిజామాబాద్ జిల్లా కేంద్రంలో ఆవిష్కృతమైంది. నీలాకాశంలో ఇంధ్రదనస్సులోని వర్ణాల రూపంలో ఆ సూర్యుని చుట్టూ ఓ సుందరమైన వలయం ఏర్పడింది. దీంతో ఆ అద్భుతమైన సుందర దృష్యం నిజామాబాద్ వాసుల్ని కనువిందు చేసింది. నిజామాబాద్ ప్రజలు ఈ దృశ్యాన్ని ఆసక్తిగా తిలకించారు. అయితే కొంత మంది పకృతి ప్రియులు ఈ అద్భుతమైన దృశ్యాన్ని తమ చరవానుల్లో భద్రపరచుకున్నారు. అంతే కాదు వాట్సాప్ స్టేటస్లుగా పెట్టుకున్నారు.
ఈ ఫొటోలు సోషల్ మీడియాలో వైరల్గా మారాయి. ఆకాశంలో మేఘాలు ఎక్కువగా ఉన్న సమయంలో వాటిలోని నీటి బిందువులపై పడిన కాంతి కిరణాలు వక్రీభవనం చెందడం వల్ల ఈ తరహా వలయాలు ఏర్పడతాయని వాతావరణ శాఖ నిపుణులు తెలిపారు. అంతేకాక ఎక్కువ ఉష్ణోగ్రతలు నమోదైన ఆ తరువాత వాతావరణం చల్లబడిన ప్రాంతాల్లో ఇలాంటి కొన్ని వలయాలు ఏర్పడుతుంటాయని కూడా ఖగోళ నిపుణులు స్పష్టం చేసారు. సముద్రాలు నదీ పరివాహక, ఉన్న ప్రాంతాల్లో ఎక్కువగా ఏర్పడతాయన్నారు. ఆకాశంలో సూర్యుడి చుట్టూ ఇంద్రధనస్సులా ఏర్పడిన ఈ సుందర వలయాన్ని 'హ్యాలో సినామినా' అని పిలుస్తారని అధికారులు తెలిపారు. సూర్యుడి చుట్టూ వలయం ఏర్పడి వాతావరణంలో మేఘాలు ఎక్కువగా ఉన్న సమయంలో వాటిలో నీటి బిందువులపై పడిన కాంతి కిరణాలు పరావర్తనం, వక్రీభవనం చెందడం ద్వారా ఈ తరహా వలయాలు ఏర్పడతాయని పేర్కొన్నారు. కొందరు తీసిన ఫొటోల్లో ఓ ప్రకాశవంతమైన చుక్క సూర్యుడిని దాటడం కూడా కనిపించింది.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire