Revanth Reddy: కాంగ్రెస్​లోకి రండి.. పోచారంను పార్టీలోకి ఆహ్వానించిన సీఎం రేవంత్..!

Revanth Reddy: మాజీ స్పీకర్ పోచారం శ్రీనివాస్ రెడ్డి కారు దిగేందుకు సిద్ధమయ్యారా? రాష్ట్ర రాజకీయాల్లో కొద్దిరోజులుగా ఈ ఊ‎హాగానాలు కొనసాగుతుండగా..తాజాగా సీఎం రేవంత్, మంత్రి పొంగులేటి ఆయన్ను కలవడంతో పోచారం బీఆర్ఎస్‌కు గుడ్‌బై చెప్పడం దాదాపు ఖాయంగా కనిపిస్తోంది. బంజారాహిల్స్‌ ఎమ్మెల్యే కాలనీలోని పోచారం శ్రీనివాస్ రెడ్డితో సీఎం రేవంత్, మంత్రి పొంగులేటి భేటీ అయ్యారు. కాంగ్రెస్‌లో చేరాలని ఆహ్వానించారు.

పోచారం శ్రీనివాస్ రెడ్డి బాన్సువాడ నియోజకవర్గం నుంచి 2009 నుంచి 2023 వరకు వరసగా ఐదు సార్లు ఎమ్మెల్యేగా ఎంపిక కావడం విశేషం. ఆ క్రమంలోనే పోచారం తెలంగాణ ప్రభుత్వంలో 2014-2019 వరకు వ్యవసాయ మంత్రిగా, 2019 జనవరి 17 నుంచి 2023 డిసెంబర్ 6 వరకు తెలంగాణ శాసనసభ స్పీకర్‌గా పనిచేశారు. ప్రస్తుతం ఎమ్మెల్యేగా కొనసాగుతున్నారు.