Independence Day 2023: దేశభక్తిని చాటుకున్న రిటైర్డ్ హెడ్మాస్టర్.. మంచంపై నుంచే జెండా వందనం

Independence Day 2023: దేశం మొత్తం 76వ స్వాతంత్ర వేడుకలను జరుపుకుంటున్న తరుణంలో.. ఏడు నెలలుగా మంచానికే పరిమితమైన ఓ రిటైర్డ్ హెడ్మాస్టర్ కూడా మంచం పైనుంచే తన దేశభక్తిని చాటుకుంటున్నాడు. కరీంనగర్ లో గత 20 సంవత్సరాలుగా ప్రభుత్వ పాఠశాలలో హెడ్మాస్టర్‌గా పనిచేసిన గౌరిశెట్టి కుమారస్వామి.. రిటైర్మెంట్ అయిన తర్వాత.. స్వగ్రామమైన వేములవాడలో ఉంటున్నారు. అనారోగ్య కారణాలతో దాదాపు 7 నెలలుగా మంచంపైనే ఉంటున్న ఈ రిటైర్డ్ ఉపాధ్యాయుడు.. ఆరోజుల్లో స్వాతంత్య వేడుకల్లో తాను పనిచేసిన జ్ఞాపకాలను నెమరేసుకుంటూ.. ఈరోజు బెడ్ పైనే జాతీయ జెండాను పట్టుకుని జనగణమన ఆలపించడం చుట్టుపక్కల వారిని ఆకట్టుకుంది. కుమారస్వామి‌సార్ ను అభినందించారు.