Ponguleti: నాగేశ్వరావు మృతదేహాన్ని చూసి కన్నీటిపర్యంతమైన పొంగులేటి

Ponguleti: భద్రాద్రి కొత్తగూడెం జిల్లా నాయకులగూడెం గ్రామంలో విషాదం చోటుచేసుకుంది. అప్పుల బాధతో చల్లా నాగేశ్వరరావు అనే వ్యక్తి వ్యవసాయబావిలో దూకి ఆత్మహత్య చేసుకున్నాడు. నాగేశ్వరరావుకు భార్య ఇద్దరు పిల్లలు ఉన్నారు. మృతుడు నాగేశ్వరరావు పొంగులేటి శ్రీనివాస్‌రెడ్డి అభిమాని కావడంతో విషయం తెలియగానే... పొంగులేటి తన కార్యక్రమాలను రద్దు చేసుకుని కుటుంబసభ్యులను పరామర్శించేందుకు నాయకులగూడెంకు వచ్చారు.

నాగేశ్వరరావు మృతదేహానికి పొంగులేటి శ్రీనివాస్ రెడ్డి పూలమాల వేసి కుటుంబసభ్యులను ఓదార్చే ప్రయత్నం చేశారు. తండ్రి మృతదేహం వద్ద ఇద్దరు కూతులు ఏడవ్వడాన్ని చూసి పొంగులేటి కన్నీటి పర్యంతమైయ్యారు. నాన్నా మీ స్నేహితులు వచ్చారు.. లే నాన్నా అంటూ ఇద్దరు కూతుళ‌్లు ఏడవటం అందరినీ కన్నీరు పెట్టించింది. నాగేశ్వరరావు కుటుంబానికి అండగా ఉంటామని పొంగులేటి హామీ ఇచ్చారు.