హైదరాబాద్‌లో మరో అంతర్జాతీయ ప్రతిష్టాత్మక సంస్థ అడుగులు

Plug And Play: హైదరాబాద్‌లో మరో అంతర్జాతీయ ప్రతిష్టాత్మక సంస్థ అడుగుపెట్టనుంది. ప్రముఖ ఓపెన్‌ ఇన్నోవేషన్‌ ప్లాట్‌ఫారమ్‌ "ప్లగ్ అండ్ ప్లే" ఇండియాలో తన మొదటి కేంద్రాన్ని హైదరాబాద్‌లో ప్రారంభించనుంది. పెట్టుబడుల ఆకర్షణే ప్రధాన లక్ష్యంగా ఫ్రాన్స్ లో పర్యటిస్తున్న తెలంగాణ ఐటీ, పరిశ్రమల శాఖ మంత్రి కేటీఆర్‌‌తో "ప్లగ్ అండ్ ప్లే" సంస్థ నాయకత్వ బృందం సమావేశమైన తర్వాత ఈ ప్రకటన వెలువడింది. ఫ్రెంచ్ ప్రభుత్వం మరియు బిజినెస్ ఫ్రాన్స్‌లు నిర్వహిస్తున్న "యాంబిషన్ ఇండియా" ఈవెంట్ సందర్భంగా ఈ సమావేశం జరిగింది.