Madhu Yaskhi Goud: ఓబీసీ నేతల సమస్యలను ఖర్గేకు వివరించాం

Madhu Yaskhi Goud: తెలంగాణలో ఓబీసీ నేతల సమస్యలను కాంగ్రెస్ చీఫ్ ఖర్గేకు వివరించామన్నారు ప్రచార కమిటీ ఛైర్మన్ మధుయాష్కీ గౌడ్. అసెంబ్లీ ఎన్నికల్లో సరైన సామాజిక సమతుల్యం పాటిస్తూ తెలంగాణలో ఓబీసీ నేతలకు సరైన ప్రాధాన్యం గురించి తెలియజేశామన్నారు. ఈ విషయంపై మల్లికార్జున ఖర్గే సానుకూలంగా స్పందించినట్లు తెలిపారు మధుయాష్కీ. నేతలెవరూ ఆందోళన చెందాల్సిన అవసరం లేదని.. ఎవరికి అన్యాయం జరగదని ఖర్గే హామీ ఇచ్చారన్నారు. తెలంగాణ వ్యవహారాలపై ఖర్గేకు పూర్తి అవగాహన ఉందన్నారు మధుయాష్కీ.