Nizamabad: నిజామాబాద్‌లో కిడ్నాప్‌ కలకలం.. ఓ వ్యక్తిని చితకబాది కారులో ఎక్కించుకుపోయిన దుండగులు

Nizamabad: నిజామాబాద్ పాలిటెక్నిక్ గ్రౌండ్‎లో కిడ్నాప్ కలకలం చోటుచేసుకుంది. TS 29 C6688 తెలుపు రంగు క్రెటా కారులో వచ్చిన ముగ్గురు యువకులు హల్చల్ చేశారు. ఓ వ్యక్తిని చితకబాది దుండగులు కారులో ఎక్కించుకుపోయారు. TS 29 C6688 వాహనం అఖిలేష్ యాదవ్ పేరుతో ఉంది. కిడ్నాప్ ఘటనపై కేసు నమోదు చేసుకొని పోలీసులు దర్యాప్తు చేస్తున్నారు. వాహనం బోధన్ వైపు వెళ్లినట్లుగా గుర్తించారు. ప్రేమ వ్యవహారంగా అనుమానిస్తున్నారు. బోధన్‎కు చెందిన భాగయ్య యాదవ్ వద్ద ఉన్న క్రెటా కారును ..అతని అల్లుడు అఖిలేష్ యాదవ్ తీసుకెళ్లాడు. అదే కారులో గ్యాంగ్‎తో వచ్చిన అఖిలేష్, ఆ తర్వాత కిడ్నాప్‎కు పాల్పడినట్లు పోలీసులు భావిస్తున్నారు. కిడ్నాప్ అయింది ఎవరు..? అనే కోణంలో పోలీసులు ఆరా తీస్తున్నారు.