KCR: ఓమ్నీ వ్యాన్ నడిపిన కేసీఆర్.. సోషల్ మీడియాలో వైరల్..

KCR: ఎడమ కాలి తుంటి ఆపరేషన్ తర్వాత పూర్తిగా కోలుకున్నారు మాజీ సీఎం కేసీఆర్. డాక్టర్ల సూచన మేరకు ఓమ్నీ వ్యాన్ నడిపి ఆశ్చర్య పరిచారు. కేసీఆర్ వ్యాన్ నడుపుతున్న ఫోటో ఒకటి వైరల్‌గా మారింది. గత ఏడాది జరిగిన అసెంబ్లీ ఎన్నికల అనంతరం బాత్‌రూంలో జారిపడటంతో కేసీఆర్ ఎడమ కాలి తుంటికి ఫ్యాక్చర్ అయింది. ఓ ప్రైవేట్ ఆస్పత్రిలో సర్జరీ జరగగా.. మొన్నటి వరకు కర్ర సాయంతోనే నడిచారు ఆయన.

ఇప్పుడు గాయం నయం కావడంతో కర్ర సహాయం లేకుండా నడుస్తున్నారు. మ్యానువల్‌గా కారు నడిపి చూడమని డాక్టర్ల సూచన మేరకు తన పాత ఓమ్నీ వ్యాన్ నడిపారు కేసీఆర్. చాలా అరుదైన ఘటన కావడంతో.. ఫోటో చక్కర్లు కొడుతుంది.