Telangana: తెలంగాణలో మరో మూడు రోజులు భారీ వర్షాలు

Heavy Rains: వాయువ్య, పశ్చిమ మధ్య బంగాళాఖాతంలో ఉత్తరాంధ్ర, దక్షిణ ఒడిసా తీరంలో శనివారం ఏర్పడిన అల్పపీడనం స్థిరంగా కొనసాగుతున్నట్లు హైదరాబాద్‌ వాతావరణ కేంద్రం తెలిపింది. ఉపరితల ఆవర్తనం ప్రభావంతో రాగల మూడు రోజులు రాష్ట్రంలో పలుచోట్ల భారీ నుంచి అతి భారీ వర్షాలు కురిసే అవకాశం ఉన్నట్లు వెల్లడించింది. ఇక ఆదివారం రాష్ట్రంలో అత్యధికంగా నల్లగొండ జిల్లా చండూరులో 9.10, పుల్లెంలలో 8.90, యాచారంలో 7.18 సెంటీమీటర్ల వర్షపాతం నమోదైంది.