KTR: హ్యాపీ బర్త్‌డే రేవంత్‌.. ఏసీబీని పంపిస్తే స్వాగతమంటూ..

KTR: రేవంత్ రెడ్డికి హ్యాపీ బర్త్డే అంటూ శుభాకాంక్షలు తెలిపారు కేటీఆర్. తాను హైదరాబాద్ లోనే ఉన్నానని. ఏసీబీ లాంటి ప్రభుత్వ ఏజెన్సీలను ఎప్పుడు పంపిన స్వాగతమంటూ ట్వీట్ చేశారు. వాళ్లకి చాయ్ ఉస్మానియా బిస్కెట్ తోపాటు, మీ బర్త్ డే కేక్ వారు కట్ చేస్తామంటే తానే ఇప్పిస్తానంటూ చురకలు వేశారు.

కాగా, అరెస్టు భయంతో కేటీఆర్‌ మలేషియా వెళ్తున్నారంటూ కాంగ్రెస్‌ పార్టీకి చెందిన ఓ న్యూస్‌పేపర్‌ రాసుకొచ్చిందని బీఆర్‌ఎస్‌ నేత మన్నె క్రిషాంక్‌ చేసిన ట్వీట్‌ను ఆయన కేటీఆర్‌ ట్యాగ్‌ చేశారు. కేటీఆర్‌ ప్రతిష్ఠను మసకబార్చేందుకు ఇదంతా చేస్తున్నారని మాకు తెలుసని, జర్నలిజాన్ని జోక్‌గా మార్చవద్దంటూ క్రిషాంక్‌ అందులో పేర్కొన్నారు. హైదరాబాద్‌లోని తన నివాసంలో చాయ్‌ తాగుతూ ఈ వార్తను చదువుతూ ఉంటారని చెప్పారు.