H ఫౌండేషన్‌ ఆధ్వర్యంలో 10K రన్‌

తెలంగాణలో కరోనా కేసులు తగ్గుముఖం పట్టాయని అయినప్పటికీ ప్రజలు కరోనా నిబంధనలు పాటించాలని అన్నారు రాచకొండ సీపీ మహేష్‌ భగవత్‌. కరోనా జాగ్రత్తలపై అవగాహన కల్పిస్తూ H ఫౌండేషన్‌ ఆధ్వర్యంలో ఉప్పల్‌ సర్కిల్‌ నుంచి 10K రన్‌ను ఆయన ప్రారంభించారు. లాక్‌డౌన్‌ సమయంలో H ఫౌండేషన్‌ నిర్వాహకులు ఎన్నో సేవా కార్యక్రమాలు చేశారని పోలీస్‌ సిబ్బందికి కూడా మాస్క్‌లు, శానిటైజర్లు పంపిణీ చేశారని వారిని అభినందించారు. కొత్త కరోనా కేసులు నమోదవుతున్న నేపథ్యంలో అందరూ జాగ్రత్తగా ఉండాలని సూచించారు సీపీ మహేష్‌ భగవత్.