Congress: నేడు పాలమూరు-రంగారెడ్డి ప్రాజెక్టు పర్యటనకు కాంగ్రెస్‌ పిలుపు

Congress: కాళేశ్వరంపై వస్తున్న విమర్శలకు ధీటుగా బీఆర్‌ఎస్ చేపట్టిన మేడిగడ్డ పర్యటనకు కౌంటర్‌గా కాంగ్రెస్ మరో పర్యటనకు సిద్ధమైంది. పాలమూరు-రంగారెడ్డి పర్యటనకు కాంగ్రెస్ పిలుపునిచ్చింది. ఇవాళ పాలమూరు రంగారెడ్డి ప్రాజెక్టు సందర్శనకు ఉమ్మడి రంగారెడ్డి, ఉమ్మడి మహబూబ్ నగర్ జిల్లా కాంగ్రెస్ నేతలు పిలుపునిచ్చారు. బీఆర్‌ఎస్ ప్రభుత్వంలో పాలమూరు రంగారెడ్డిని నిర్లక్ష్యం చేశారని కాంగ్రెస్ ఆరోపిస్తోంది. ఈ నేపథ్యంలో చలో పాలమూరు రంగారెడ్డి పర్యటనకు కాంగ్రెస్ నేతలు సిద్ధమైయ్యారు.