Dubbaka election: దుబ్బాక ప్రజలను ఓటు అడిగే నైతిక హక్కు బీజేపీకి లేదు : మంత్రి హరీష్ రావు!

Dubbaka Election | దుబ్బాక ప్రజలను ఓటు అడిగే నైతిక హక్కు బీజేపీ పార్టీ కి లేదు : మంత్రి హరీష్ రావు మీడియా సమావేశం..

* బీజేపీ రాష్ట్ర అధ్యక్షుడు బండి సంజయ్ కు మంత్రి హరీష్ రావు బహిరంగ లేఖ

* రాష్ట్ర ప్రజల తరపున బండి సంజయ్ కు నా 18 ప్రశ్నలు

* నా ప్రశ్నలకు బండి సంజయ్ సమాధానాలు చెప్పాలి..

బి.జె.పి. రాష్ట్ర అధ్యక్షుడు ఎంపి బండి.సంజయ్ కి మంత్రి హరీష్ రావు 9 పేజీల బహిరంగ లేఖ రాశారు. దానిలో 18 ప్రశ్నలు సంధించారు. వాటికి సమాధానాలు చెప్పాలని కోరారు. ఈ బహిరంగ లేఖను మీడియా సమావేశంలో విడుదల చేశారు. ఈ సందర్భంగా హరీష్ రావు మాట్లాడుతూ ఏమన్నారంటే..

- నా లేఖకు బండి సంజయ్ స్పందిస్తారని ఆశిస్తున్నా

- ప్రజాస్వామ్యంలో ఓటగే హక్కు ఎవరికైనా ఉంటుంది

- దుబ్బాకలో బిజేపి నైతిక విలువలు మంట కలిపింది

- తెలంగాణను కేంద్రం అడుగడుగునా నిర్లక్ష్యం చేస్తోంది. సవతి తల్లి ప్రేమ చూపిస్తుంది

- రాష్ట్ర హితం కోసం..లేఖ రాస్తున్న.. సూటిగా సమాధానం ఇస్తారని ఆశిస్తున్న

- ఫించన్లపై సవాల్ చేస్తే సమాధానం లేదు.. వ్యక్తి గత దాడులు...దూషణలకు దిగుతున్నారు.

- నా 18 ప్రశ్నలకు సమాధానం ఇవ్వకుంటే మీ బాధ్యత నుంచి తప్పుకున్నట్లే

- ఏడు మండలాలు,లోయర్ సీలేర్ ప్రాజెక్టును ఏపికి అప్పగించింది మీరు కాదా?

- బయ్యారం ఉక్కు ఫ్యార్టీ స్థాపించకుండా యువత పొట్ట కొడుతోంది మీరే కదా?

- కాజిపేటలో వ్యాగన్ ఫ్యాక్టరీని రద్దు చేసింది బిజెపి కాదా?

- నీటి వాటాలు లెక్క తేల్చకుండా...తెలంగాణకు కేంద్రం అన్యాయం చేస్తోంది నిజం కాదా?

- రెండు రాష్ట్రాల మధ్య చిచ్చు పెడుతోంది బీజేపీ కాదా?

- పోలవరంకు జాతీయ ప్రాజెక్టు ఇచ్చినట్లు ...తెలంగాణకు ఎందుకు ఇవ్వడం లేదు?

- మిషన్ భగీరథ,మిషన్ కాకతీయకు నిధులు ఇవ్వాలని నీతి ఆయోగ్ చెప్పడం నిజం కాదా?

- మీకు తెలంగాణ ప్రజలపై ప్రేమ ఉంటే ఆ నిధులు కేంద్రం నుంచి ఇప్పించాగలరా?

- జాతీయ రహదారులకు వెంటనే నిధులు మంజూరు చేయించాగలరా? అది మీకు చేతనవుతుందా?

- 39 లక్షల మందికి తెలంగాణ ప్రభుత్వం ఫించన్ల ఇస్తుంటే...కేంద్రం 6లక్షల మందికే ఇస్తోంది. కాదని నిరూపించగలరా?

- వరంగల్ కు ఎయిర్ పోర్ట్,టెస్ట్ టైల్ పార్క్ కు నిధులు మంజూరు చేయించాలి..బిజెపికి చిత్తశుద్ధి ఉందా?

- గిరిజనులకు విద్యా, ఉద్యోగ అవకాశాల్లో రిజర్వేషన్ ను 6 నుంచి 10% పెంచాలని అసెంబ్లీలో తీర్మానం చేస్తే....కేంద్రం పక్కన పెట్టింది నిజమేనా కాదా?

- గంగా,నర్మదా నదిని ప్రక్షాళన చేసినట్లు మూసీని చేయిస్తారా?

- తెలంగాణకు కేంద్రం నుంచి చట్ట బద్దంగా రావాల్సిన 12వేల కోట్లు బకాయిలు ఇప్పించండి

నేను చెప్పిన 18 సమస్యలపై స్పందించి బండి.సంజయ్ చిత్త శుద్ధి చాటుకోవాలి అని హరీష్ రావు అన్నారు. అంతేకాకుండా అడుగడుగునా కేంద్రం తెలంగాణకు అన్యాయం చేస్తోందని ఆరోపించారు.