Xiaomi Launch Event 2024: షియోమి లాంచ్ ఈవెంట్‌.. నాలుగు గ్యాడ్జెట్లు వస్తున్నాయ్

Xiaomi Launch Event 2024: షియోమి తన కొత్త లాంచ్ ఈవెంట్‌ను 27 నవంబర్ 2024న చైనీస్ మార్కెట్లో నిర్వహించబోతోంది. ఈ ఈవెంట్‌లో, బ్రాండ్ రెడ్‌మి వాచ్ 5 స్మార్ట్‌వాచ్, రెడ్‌మి బడ్స్ 6 ప్రో ఇయర్‌బడ్స్‌తో పాటు ఎంతో ఆసక్తిగా ఎదురుచూస్తున్న Redmi K80 స్మార్ట్‌ఫోన్ సిరీస్‌ను కూడా పరిచయం చేస్తుంది. ఈ రాబోయే గాడ్జెట్‌ల ఫీచర్లు లాంచ్‌కు ముందే కంపెనీ వెల్లడించింది. ఈ క్రమంలో వీటి గురించి పూర్తి వివరాలు తెలుసుకుందాం.

Redmi Watch 5

రెడ్‌మి వాచ్ 5 2.07-అంగుళాల హై-బ్రైట్‌నెస్ డిస్‌ప్లేను కలిగి ఉంటుంది. ఇది Xiaomi HyperOS 2.0 పై రన్ అవుతుంది. 24 రోజుల వరకు బ్యాటరీ లైఫ్‌ను అందించవచ్చని అంచనా. ఇది తరచుగా రీఛార్జ్ చేయవలసిన అవసరాన్ని తగ్గిస్తుంది.

Redmi Buds 6 Pro

రెడ్‌మి బడ్స్ 6 ప్రో సిరామిక్ కోక్సియల్ త్రీ-యూనిట్ డిజైన్‌ను కలిగి ఉంటుంది, ఇది హై క్వాలిటీ సౌండ్‌ని అందించడం లక్ష్యంగా పెట్టుకుంది. అవి 55dB డీప్ నాయిస్ రిడక్షన్, స్టెప్-లెస్ డైనమిక్ నాయిస్ రిడక్షన్ టెక్నాలజీని కలిగి ఉన్నాయి. ఇవి ప్రభావవంతమైన నాయిస్ క్యాన్సిలేషన్, మెరుగైన లిస్‌నింగ్ ఫీల్ కోసం రూపొందించారు.

Redmi Watch 4

రెడ్‌మి వాచ్ 4లో 1.97-అంగుళాల AMOLED డిస్‌ప్లే. హార్ట్‌బీట్, బ్లడ్ ప్రెజర్ స్థాయిలను పర్యవేక్షించడానికి 4-ఛానల్ PPG సెన్సార్ ఉన్నాయి. ఇది లొకేషన్ ట్రాకింగ్ కోసం GPSని కలిగి ఉంది. 150కి పైగా స్పోర్ట్స్ మోడ్‌లకు సపోర్ట్ ఇస్తుంది. స్లీప్ ట్రాకింగ్, ప్రెజర్ మానిటరింగ్, వెదర్ అప్‌డేట్‌లు, బ్లూటూత్ కాలింగ్ వంటి ఇతర ఫీచర్‌లు ఉన్నాయి.

Redmi Buds 5 Pro

ఈ బడ్స్ వాటర్, డస్ట్ రెసిస్టెన్స్ కోసం IP54 రేటింగ్‌ను కలిగి ఉంది. ఇవి బ్యాలెన్స్‌డ్ ఆడియో కోసం 10mm ట్వీటర్, 11mm డైనమిక్ సబ్ వూఫర్‌తో వస్తాయి. ఫీచర్లలో 52dB వరకు నాయిస్ క్యాన్సిలేషన్, AI అడాప్టివ్ నాయిస్ అడ్జస్ట్‌మెంట్, హై క్వాలిటీ స్ట్రీమింగ్ కోసం LHDC 5.0 కోడెక్, స్పేషియల్ ఆడియో ఉన్నాయి. కాల్‌ల కోసం ట్రాన్స్‌పాంట్ మోడ్, విండ్ నాయిస్ క్యాన్సిలేషన్ కూడా సపోర్ట్ ఇస్తుంది.