OYO Room Scam: ఓయోలో ఆధార్ కార్డ్ ఇస్తున్నారా.. షాకింగ్ నిజాలు మీ కోసం..!

OYO Room Scam: దేశంలోని ప్రతి ఒక్కరికి ఆధార్ కార్ట్ చాలా ముఖ్యమైనది. దీని రాకతో కొన్ని పనులు సులభతరం అయ్యాయి. ప్రభుత్వ, బ్యాంక్ అవసరాలకు ఇది ముఖ్యమైన పత్రంగా మారింది. ఇది లేకుంగా పనులు పూర్తికావు. ఆధార్ కార్డ్ ఎక్కడికి వెళ్లినా గుర్తింపు కార్డుగా పనిచేస్తుంది. అలానే ఓయో రూమ్, ఏదైనా ఓ హోటల్‌కి వెళ్లినా ఆధార్ కార్డును చూపించాల్సి ఉంటుంది. మీకు తెలుసా ఇలా చేయడం వల్ల మోసానికి గురవుతారని? దీనివల్ల మీ ఆధార్ డేటా దుర్వినియోగం అవుతుంది. కాబట్టి అటువంటి పరిస్థితిలో మీరు సాధారణ ఆధార్ కార్డ్‌కు బదులుగా మాస్క్‌డ్ ఆధార్ కార్డ్‌ని ఉపయోగించాలి. అయితే మాస్క్‌డ్ ఆధార్ కార్డ్‌ని ఎలా డౌన్‌లోడ్ చేయాలో చూద్దాం. దీని గురించి పూర్తి వివరాలు తెలుసుకుందాం.

ఈ రోజుల్లో OYO రూమ్ లేదా హోటల్ బుకింగ్ సమయంలో ఆధార్ కార్డ్ ఒరిజినల్ కాపీని అడుగుతారు. భద్రతా కోణం నుండి ఇది మంచి అడుగు. కానీ మీరు మీ భద్రతను కూడా జాగ్రత్తగా చూసుకోవాలి. ఎందుకంటే ఆధార్ కార్డును ఉపయోగించి పెద్ద బ్యాంకింగ్ మోసం చేయవచ్చు. అటువంటి పరిస్థితిలో OYO గది లేదా హోటల్ బుకింగ్ సమయంలో ఆధార్ కార్డ్ ఉపయోగించినప్పుడు మీరు మాస్క్‌డ్ ఆధార్ కార్డ్‌ని ఉపయోగించాలి. దీనిలో మీ ఆధార్ 8 నంబర్లు హైడ్‌లో ఉంటాయి. మీరు ఆధార్ కార్డుతో మోసాన్ని సులభంగా నివారించవచ్చు.

మాస్క్‌డ్ ఆధార్ కార్డ్ డౌన్‌లోడ్ చేయడం ఎలా..?

UIDAI అధికారిక వెబ్‌సైట్ నుంచి మీరు మాస్క్డ్ ఆధార్ కార్డ్‌ని డౌన్‌లోడ్ చేసుకోవాలి.

1. ముందుగా మీరు UIDAI అధికారిక పోర్టల్ https:uidai.gov.inలోకి ఎంటర్ అవ్వాలి.

2. దీని తర్వాత మీరు My Aadhaar ఆప్షన్‌కు వెళ్లాలి.

3. ఆ తర్వాత ఆధార్ కార్డ్ నంబర్‌ ఎంటర్ చేసి, క్యాప్చా కోడ్‌ను ఎంటర్ చేయాలి.

4. దీని తర్వాత మీరు సెండ్ OTP ఆప్షన్‌‌ సెలక్ట్ చేయాలి.

5. తర్వాత ఆధార్‌తో రిజిస్టర్ చేయబడిన మొబైల్ నంబర్‌‌కి OTP వస్తుంది. దాన్ని ఎంటర్ చేయాలి.

6. అప్పుడు మీరు డౌన్‌లోడ్ ఆప్షన్‌ను ఎంచుకోవాలి.

7. దీని తర్వాత మీరు చెక్‌బాక్స్‌లో డౌన్‌లోడ్ మాస్క్డ్ ఆధార్‌ను టిక్ చేయాలి.

8. మీరు చెక్‌బాక్స్‌ను టిక్ చేసి సబ్‌మిట్ ఆప్షన్‌పై నొక్కండి.

9. దీని తర్వాత ముసుగు వేసిన ఆధార్ కార్డ్ డౌన్‌లోడ్ అవుతుంది.

ఏ పాస్‌వర్డ్‌ను ఎంటర్ చేయాలి?

పాస్‌వర్డ్ కోసం మీరు మీ పేరులోని నాలుగు అక్షరాలు, మీరు పుట్టిన తేదీ, నెల, సంవత్సరాన్ని నమోదు చేయాలి.

మాస్క్‌డ్ ఆధార్ కార్డ్ అంటే ఏమిటి?

భద్రత కోసం 8 అంకెలు దాగి ఉన్న కార్డుని అందించేదే మాస్క్‌డ్ ఆధార్. అంటే మీరు 4 బేస్ అంకెలు మాత్రమే చూస్తారు. దీంతో మీ ఆధార్ కార్డును ఎవరూ దుర్వినియోగం చేయలేరు. మాస్క్‌డ్ ఆధార్ కార్డ్‌ని IDగా ఉపయోగించవచ్చు. హోటల్, ఓయో బుకింగ్ కోసం దీనిని ఉపయోగించవచ్చు.

ఆధార్ కార్డ్ ID కార్డ్‌గా ప్రతిచోటా ఉపయోగించబడుతుంది. ప్రభుత్వం సాధారణ ఆధార్ కార్డుకు బదులుగా మాస్క్‌డ్ ఆధార్ కార్డు వినియోగాన్ని ప్రోత్సహిస్తోంది. తద్వారా మోసాలను అరికట్టవచ్చు.