iQOO 13: ఐక్యూ కొత్త స్మార్ట్‌ఫోన్.. ఫీచర్లు లీక్, అట్రాక్ట్ చేస్తున్న పవర్ డెలివరీ ఫీచర్!

iQOO 13: చైనాకు చెందిన స్మార్ట్‌ఫోన్ దిగ్గజం ఐక్యూకి దేశంలో క్రమంగా డిమాండ్ పెరుగుతుంది. బడ్జెట్ మార్కెట్‌ని టార్గెట్ చేసుకొని కంపెనీ సరికొత్త ఫోన్లను లాంచ్ చేస్లుంది. ఇందులో భాగంగా iQOO 13 మొబైల్‌ని త్వరలో ప్రారంభించనుంది. తాజాగా దీని ఫీచర్లు లీక్ అయ్యాయి. దీని లాంచ్ తేదీ గురించి కంపెనీ ఇంకా సమాచారం ఇవ్వలేదు. ఈ స్మార్ట్‌ఫోన్ 100W PPS (ప్రోగ్రామబుల్ పవర్ సప్లై) ఫాస్ట్ ఛార్జింగ్, Vivo X100 సిరీస్ వంటి PD (పవర్ డెలివరీ) ఛార్జింగ్ సపోర్ట్‌తో వస్తుంది. దీని గురించి పూర్తి సమచారం తెలుసుకుందాం.

ఈ ఛార్జింగ్ స్వీడ్ iQOO 12 స్మార్ట్‌ఫోన్ 120W వాట్ ఛార్జింగ్ వేగం కంటే తక్కువగా ఉంటుంది. ఫోన్ ఛార్జింగ్ కోసం USB టైప్-సి నుండి టైప్-సి కేబుల్ పొందే అవకాశం ఉంది. మీరు ఫోన్‌లో పంచ్-హోల్ డిస్‌ప్లేతో పాటు అల్ట్రాసోనిక్ ఫింగర్ ప్రింట్ సెన్సార్‌ను కూడా చూడవచ్చు. ఈ డిస్‌ప్లే BOE X2 ఓరియంటల్ స్క్రీన్ కంటే మెరుగ్గా ఉంటుందని చెబుతున్నారు. ఇది కాకుండా కంపెనీ USB 3.0 పోర్ట్, IP68 రేటెడ్ బిల్డ్ క్వాలిటీని కూడా ఫోన్‌లో అందించే అవకాశం ఉంది.

గతంలో లీక్ అయిన నివేదికల ప్రకారం కంపెనీ ఈ ఫోన్‌లో 6.7-అంగుళాల 2K AMOLED డిస్‌ప్లేను అందించనుంది. ఈ డిస్‌ప్లే 144Hz రిఫ్రెష్ రేట్‌కు సపోర్ట్ చేయగలదు. ఫోన్ గరిష్టంగా 16 GB RAM + 512 GB వరకు ఇంటర్నల్ స్టోరేజ్ ఆప్షన్‌తో రావచ్చు. ప్రాసెసర్‌గా మీరు ఫోన్‌లో స్నాప్‌డ్రాగన్ 8 జెన్ 4 చిప్‌సెట్‌ను చూడవచ్చు. ఫోటోగ్రఫీ కోసం కంపెనీ ఈ ఫోన్‌లో LED ఫ్లాష్‌తో కూడిన మూడు కెమెరాలను అందించే అవకాశం ఉంది.

వీటిలో 50 మెగాపిక్సెల్ మెయిన్ లెన్స్‌, 50 మెగాపిక్సెల్ అల్ట్రావైడ్ యాంగిల్ సెన్సార్, 50 మెగాపిక్సెల్ 2x టెలిఫోటో సెన్సార్ ఉండవచ్చు. అదే సమయంలో కంపెనీ ఈ ఫోన్‌లో సెల్ఫీ కోసం 32 మెగాపిక్సెల్ ఫ్రంట్ కెమెరాను అందించగలదు. ఫోన్‌ను పవర్ చేయడానికి, 6150mAh బ్యాటరీని ఇందులో ఉంటుంది. ఫోన్‌లో, కంపెనీ థర్మల్ మేనేజ్‌మెంట్ కోసం సింగిల్ లేయర్ మదర్‌బోర్డ్‌తో కొత్త హీట్ డిస్సిపేషన్ సిస్టమ్‌ను తీసుకురానుంది.