Samsung Galaxy M35 5G: సామ్సంగ్ నుంచి బడ్జెట్ ఫోన్.. ఫీచర్స్ మాములుగా లేవు..
![](/images/authorplaceholder.jpg?type=1&v=2)
![Samsung Galaxy M35 5G: సామ్సంగ్ నుంచి బడ్జెట్ ఫోన్.. ఫీచర్స్ మాములుగా లేవు.. Samsung Galaxy M35 5G: సామ్సంగ్ నుంచి బడ్జెట్ ఫోన్.. ఫీచర్స్ మాములుగా లేవు..](https://assets.hmtvlive.com/h-upload/2024/07/23/378002-galaxy-m35.webp)
Samsung Galaxy M35 5G: సామ్సంగ్ నుంచి బడ్జెట్ ఫోన్.. ఫీచర్స్ మాములుగా లేవు..
Samsung Galaxy M35 5G: సామ్సంగ్ గ్యాలక్సీ ఎమ్35 పేరుతో ఈ ఫోన్ను మార్కెట్లోకి తీసుకొచ్చారు. తక్కువ బడ్జెట్లో మంచి ఫీచర్లతో ఈ ఫోన్ను తీసుకొచ్చారు.
Samsung Galaxy M35 5G: సౌత్ కొరియాకు చెందిన ప్రముఖ ఎలక్ట్రానిక్ దిగ్గజం సామ్సంగ్ ఓవైపు ప్రీమియం ఫోన్లను లాంచ్ చేస్తూనే మరోవైపు బడ్జెట్ ఫోన్లను కూడా తీసుకొస్తోంది. మొన్నటి వరకు ప్రీమియం మార్కెట్ను టార్గట్ చేసుకొని కొత్త ఫోన్లను తీసుకొచ్చిన ఈ కంపెనీ తాజాగా మార్కెట్లోకి బడ్జెట్ ఫోన్ను లాంచ్ చేసింది. గ్యాలక్సీ ఎమ్35 పేరుతో ఈ 5జీ ఫోన్ను తీసుకొచ్చారు. ఇంతకీ ఫోన్లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
సామ్సంగ్ గ్యాలక్సీ ఎమ్35 పేరుతో ఈ ఫోన్ను మార్కెట్లోకి తీసుకొచ్చారు. తక్కువ బడ్జెట్లో మంచి ఫీచర్లతో ఈ ఫోన్ను తీసుకొచ్చారు. గ్యాలక్సీ ఎమ్35 ఫీచర్ల విషయానికొస్తే ఈ స్మార్ట్ఫోన్లో.. 6.6 ఇంచెస్తో కూడిన ఫుల్ హెచ్డీ+ సూపర్ అమోఎల్ఈడీ ఇన్ఫినిటీ ఓ డిస్ప్లేను ఇచ్చారు. 120 హెచ్జెడ్ రిఫ్రెష్ రేట్, 1000 నిట్స్ పీక్ బ్రైట్నెస్ ఈ స్క్రీన్ సొంతం. దీంతో ఈ ఫోన్ను సన్ లైట్లో కూడా క్లారిటీగా చూడొచ్చు. ఈ ఫోన్లో కార్నింగ్ గొరిల్లా విక్టస్+ ప్రొటెక్షన్ను అందించారు.
ఇక ఈ ఫోన్ ఆక్టాకోర్ ఎగ్జినోస్ 1380 ప్రాసెసర్తో పనిచేస్తుంది. కెమెరా విషయానికొస్తే ఈ స్మార్ట్ ఫోన్లో 50 మెగాపిక్సెల్స్తో కూడిన రెయిర్ కెమెరాను, 8 మెగాపిక్సెల్స్తో కూడిన అల్ట్రా వైడ్ యాంగిల్ కెమెరాను, 2 ఎంపీతో మ్యాక్రో సెన్సర్ కెమెరాను అందింఆచరు. ఇక బ్యాటరీ విషయానికోస్తే ఇందులో 25 వాట్స్ ఫాస్ట్ ఛార్జింగ్కు సపోర్ట్ చేసే 6000 ఎంఏహెచ్ బ్యాటరీని అందించారు. కనెక్టివిటీ పరంగా చూస్తే ఇందులో వైఫై 6, బ్లూటూత్ 5.3, యూఎస్బీ టైప్-సి పోర్ట్ వంటి కనెక్టివిటీ ఫీచర్లను అందించారు.
ఇక ఈ ఫోన్ను మొత్తం మూడు వేరియంట్స్లో తీసుకొచ్చారు. ధర విషయానికొస్తే 6జీబీ+128జీబీ వేరియంట్ ధర రూ.19,999గా, 8జీబీ+ 128జీబీ వేరియంట్ ధర రూ.21,499, 8జీబీ+256జీబీ వేరియంట్ ధర రూ.24,999గా నిర్ణయించారు. ఈ ఫోన్ను మూన్లైట్ బ్లూ, డే బ్రేక్ బ్లూ, థండర్ గ్రే కలర్స్లో తీసుకొచ్చారు. జులై 20 నుంచి ఈ ఫోన్ అమ్మకాలు ప్రారంభమయ్యాయి. లాంచింగ్ ఆఫర్లో భాగంగా ఈ ఫోన్పై రూ. 1000 ఇన్స్టంట్ డిస్కౌంట్ లభిస్తోది.
![](/images/logo.png)
About
![footer-logo](/images/logo.png)
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire