Redmi 14C 5G: రెడ్‌మి నుంచి బడ్జెట్ ఫ్రెండ్లీ ఫోన్.. ధర చూస్తే అవాక్కవుతారు..!

Redmi 14C 5G: రెడ్‌మి నోట్ 14 సిరీస్‌ని ప్రారంభించిన తర్వాత, చైనీస్ స్మార్ట్‌ఫోన్ తయారీ కంపెనీ Xiaomi ఇప్పుడు ప్రపంచ మార్కెట్లలో కొత్త బడ్జెట్-ఫ్రెండ్లీ స్మార్ట్‌ఫోన్‌ను విడుదల చేయడానికి సిద్ధమవుతోంది. ఇంతకుముందు, Xiaomi Redmi 14C 5Gని టీజ్ చేసింది. ఇప్పుడు ఈ ఫోన్ లాంచ్ తేదీని అభిమానుల కోసం అధికారికంగా ప్రకటించారు. ఇది కాకుండా ఈ మొబైల్ మైక్రోసైట్ అధికారిక వెబ్‌సైట్‌లో కూడా లైవ్ అవుతుంది, దీని కారణంగా కొన్ని ఫీచర్లు, ఇతర వివరాలు వెల్లడయ్యాయి. ఈ స్మార్ట్‌ఫోన్ గురించి పూర్తి వివరాలు తెలుసుకుందాం.

Redmi 14C 5G జనవరి 6 న భారతదేశంతో పాటు ప్రపంచ మార్కెట్లలో లాంచ్ కానుంది. ఈ ఫోన్ Redmi 13C 5Gకి సక్సెసర్‌గా ఉంటుంది. కొత్త డిజైన్ హార్డ్‌వేర్ పరంగా కొన్ని అప్‌గ్రేడ్‌లతో వస్తుందని భావిస్తున్నారు. డిజైన్ గురించి మాట్లాడితే ఈ స్మార్ట్‌ఫోన్ స్టార్‌లైట్ థీమ్‌ను కలిగి ఉంటుంది. మూడు స్మార్ట్‌ఫోన్ రంగులను కూడా కంపెనీ ధృవీకరించింది.

ఈ మొబైల్ డ్యూయల్ 5G సిమ్‌తో వస్తుందని టెక్ కంపెనీ ధృవీకరించింది. ఇది కాకుండా, ఇది 50MP ప్రైమరీ కెమెరాతో AI ఇమేజింగ్ ఫీచర్లను కలిగి ఉన్నట్లు కూడా నిర్ధారించింది. స్మార్ట్‌ఫోన్ Redmi 14R రీబ్రాండెడ్ వెర్షన్‌గా భావిస్తున్నారు. ఇది కొన్ని నెలల క్రితం చైనాలో ప్రారంభించారు. ఇది నిజమని తేలితే Redmi 14C 120Hz రిఫ్రెష్ రేట్‌తో 6.88-అంగుళాల LCD ప్యానెల్‌తో లాంచ్ అవుతుంది. ఈ స్మార్ట్‌ఫోన్ స్నాప్‌డ్రాగన్ 8 జెన్ 2తో రావచ్చు.

మొబైల్ 18W సపోర్ట్ ఇచ్చే భారీ 5160mAh బ్యాటరీతో రన్ కావచ్చు. ఇది కాకుండా, సాఫ్ట్‌వేర్ పరంగా ఇది Android 14 ఆధారిత హైపర్ OS తో వస్తుంది. కెమెరా విషయానికొస్త, ఇది 50MP వెనుక కెమెరా,5MP ఫ్రంట్ కెమెరాను పొందవచ్చు. నివేదికల ప్రకారం Redmi 14C ధర రూ. 11000 నుండి రూ. 12000 మధ్య ఉండవచ్చని అంచనా. అయితే దీని ధరకు సంబంధించి ఎలాంటి కచ్చితమైన వివరాలను కంపెనీ ఇంకా ధృవీకరించలేదు.