Realme P3 Ultra: రియల్‌మి సరికొత్త ఫోన్.. ఫీచర్లు అదిరిపోయాయ్

Realme P3 Ultra: స్మార్ట్‌ఫోన్ బ్రాండ్ Realme ఇటీవల తన శక్తివంతమైన ఫోన్ Realme GT 7 Proని విడుదల చేసింది. ఇప్పుడు కంపెనీ భారతదేశంలో తన P-సిరీస్‌ను విస్తరించడానికి త్వరలో Realme P3 Ultraని ప్రారంభించాలని యోచిస్తోంది. కంపెనీ ఈ మొబైల్‌ని జనవరి 2025 చివరిలో మార్కెట్లోకి తీసుకొచ్చే అవకాశాలు ఉన్నాయి.ఇంటర్నెట్‌లోని సమాచారం ప్రకారం P-సిరీస్‌లో Realme P3 Ultra ఒక ముఖ్యమైన మొబైల్. ఫోన్ డిజైన్, స్టోరేజ్ ఆప్షన్‌లు, కలర్ వేరియంట్‌ల గురించి కొంత సమాచారాన్ని వెల్లడించింది. దీని గురించి వివరంగా తెలుసుకుందాం.

Realme P3 Ultra Features

రియల్‌మి P3 అల్ట్రా గ్లోసీ బ్యాక్ ప్యానెల్‌ను కలిగి ఉంటుంది. కనీసం ఒక కలర్ వేరియంట్‌లో (గ్రే) అందుబాటులో ఉంటుంది. మొబైల్ మోడల్ నంబర్ RMX5030. స్టోరేజ్ గురించి మాట్లాడితే.. ఇది గరిష్టంగా 12GB RAM + 256GB ఇంటర్నల్ స్టోరేజ్‌తో అందుబాటులో ఉంటుంది.

ఈ రియల్‌మి ఫోన్ జనవరి 2025 చివరి నాటికి భారతీయ మార్కెట్లోకి రానుంది. రాబోయే ఫోన్, హార్డ్‌వేర్ స్పెసిఫికేషన్‌లు, ధర గురించి అదనపు సమాచారం ఇవ్వలేదు. అయితే మిడ్-రేంజ్ సెగ్మెంట్‌కు ప్రీమియం ఫీచర్లు, పనితీరును అందించే మొబైల్‌ని ప్రవేశపెట్టాలని రియల్‌మి యోచిస్తున్నట్లు స్పష్టమైంది.

Realme తన శక్తివంతమైన ఫోన్ Realme P2 ప్రోను ఈ సంవత్సరం భారతదేశంలో ప్రవేశపెట్టింది. ఇది P2 సిరీస్ ఏకైక మోడల్. రాబోయే హ్యాండ్‌సెట్ P3 అల్ట్రా P3 సిరీస్‌లో రెండు మోడళ్లను కలిగి ఉంటుందని లీక్స్ వస్తున్నాయి. P3 అల్ట్రా మిడ్ రేంజ్ విభాగంలో కొత్త ప్రమాణాలను సెట్ చేస్తోంది. ప్రస్తుతం, Flipkartలో Realme P2 Pro 12GB + 256GB వెర్షన్ ధర రూ. 24,999. అప్పటి వరకు Realme P2 Pro ఫీచర్లను చూద్దాం.

Realme P2 Pro Features

Realme P2 Proలో FHD+ రిజల్యూషన్, 120Hz రిఫ్రెష్ రేట్‌తో పాటు 6.7-అంగుళాల కర్వ్డ్ AMOLED డిస్‌ప్లే 2,000 నిట్‌ల వరకు పీక్ బ్రైట్నెస్ కలిగి ఉంది. ఫోటోగ్రఫీ పరంగా P2 ప్రో OISతో 50MP Sony LYT-600 మెయిన్ సెన్సార్,8MP అల్ట్రా-వైడ్-యాంగిల్ లెన్స్‌ను కలిగి ఉంది. హై క్వాలిటీ సెల్ఫీల కోసం ముందు భాగంలో 32MP కెమెరా ఉంది. ఇది Snapdragon 7s Gen 2 చిప్‌సెట్‌పై రన్ అవుతుంది.