Realme Neo7 Launch Date: యూత్ స్పెషల్.. రియల్‌మి నుంచి సరికొత్త స్మార్ట్‌ఫోన్..!

Realme Neo7 Launch Date: Realme తన Neo7 సిరీస్‌ను డిసెంబర్ 2024లో చైనాలో ప్రారంభించనున్నట్లు ప్రకటించింది. ఈ సిరీస్ Realme GT వంటి హై-ఎండ్ పెర్ఫార్మెన్స్ ఫ్లాగ్‌షిప్ కాదు, కానీ మిడ్-రేంజ్ ఇ-స్పోర్ట్స్ ఫ్లాగ్‌షిప్‌గా పరిచయం చేస్తుంది. లాంచ్‌కు ముందు, ఈ ఫోన్‌లోని కొన్ని కీలక ఫీచర్లు వెల్లడయ్యాయి. కాబట్టి ఒకసారి వాటిని చూద్దాం.

Realme Neo7 Featues

యువత అభిరుచులను దృష్టిలో ఉంచుకుని రియల్‌మి నియో సిరీస్‌ను రూపొందించినట్లు కంపెనీ తెలిపింది. ఈ స్మార్ట్‌ఫోన్ గొప్ప గేమింగ్ అనుభవాన్ని, ట్రెండ్ సెట్టింగ్ డిజైన్, శక్తివంతమైన పనితీరును అందిస్తుంది. రియల్‌మి చైనా వైస్ ప్రెసిడెంట్ జు క్వి చేస్ మాట్లాడుతూ.. ఈ సిరీస్ ఉత్పత్తి, పరిశోధన అభివృద్ధిలో మరిన్ని వనరులను పెట్టుబడి పెడుతుందని చెప్పారు. ఈ-స్పోర్ట్స్ ఫ్లాగ్‌షిప్ రంగంలో ఈ సిరీస్ కొత్త మైలురాయిని సాధించాలని కంపెనీ లక్ష్యంగా పెట్టుకుంది.

లీక్ అయిన నివేదికల ప్రకారం Realme Neo7 డైమెన్సిటీ 9300+ ప్రాసెసర్ ద్వారా శక్తిని పొందుతుంది, ఇది 2.4 మిలియన్ AnTuTu స్కోర్‌ను అందిస్తుంది. దీనితో పాటుగా ఈ ఫోన్ 7000mAhపెద్ద బ్యాటరీతో ఉంటుంది. ఇది ఎక్కువ గంటలు గేమింగ్, వినియోగానికి అనువైన ఎంపికగా చేస్తుంది. ఈ స్మార్ట్‌ఫోన్ అన్ని స్పెసిఫికేషన్లు ఇంకా వెల్లడి కాలేదు. అయితే రాబోయే వారాల్లో కంపెనీ దాని గురించి మరింత సమాచారాన్ని పంచుకోవచ్చని భావిస్తున్నారు.