Oppo Find X8 Price: ప్రారంభమైన 'ఒప్పో ఫైండ్‌ X8' సేల్స్.. లాంచ్ ఆఫర్స్ ఇవే!

Oppo Find X8 Price: చైనాకు చెందిన ప్రముఖ మొబైల్‌ తయారీ సంస్థ 'ఒప్పో' ఇటీవల రెండు కొత్త ప్రీమియం స్మార్ట్‌ఫోన్‌లను విడుదల చేసిన విషయం తెలిసిందే. ఫైండ్‌ ఎక్స్‌ 8 సిరీస్‌లో భాగంగా ఒప్పో ఫైండ్‌ ఎక్స్‌8, ఒప్పో ఫైండ్‌ ఎక్స్‌ 8 ప్రోలను లాంచ్ చేసింది. మంగళవారం (డిసెంబర్‌ 3) నుంచి ఈ రెండు ఫోన్‌ల సేల్స్ ఆరంభం అయ్యాయి. ఒప్పో ఇ-స్టోర్‌, ప్లిప్‌కార్ట్‌లలో అమ్మకానికి అందుబాటులో ఉన్నాయి. ఆండ్రాయిడ్‌ 15, మీడియాటెక్‌ డైమెన్‌సిటీ 9400 చిప్‌సెట్‌తో వస్తున్న ఈ స్మార్ట్‌ఫోన్‌ల ధరలు, ఆఫర్స్ డీటెయిల్స్ చూద్దాం.

ఒప్పో ఫైండ్‌ ఎక్స్‌8, ఒప్పో ఫైండ్‌ ఎక్స్‌ 8 ప్రోలు ప్లిప్‌కార్ట్‌లో సేల్స్ కొనసాగుతున్నాయి. ప్రస్తుతం స్టాక్ అందుబాటులో ఉంది. ఫైండ్‌ ఎక్స్8 12జీబీ+256జీబీ వేరియంట్‌ ధర రూ.69,999తో కంపెనీ లాంచ్ చేసింది. ప్లిప్‌కార్ట్‌లో రూ.79,999గా ఉన్నా.. 12 శాతం డిస్కౌంట్ ఉంది. అంటే రూ.69,999కే వస్తుంది. యాక్సిస్ బ్యాంకు క్రెడిట్ అండ్ డెబిట్, అమెరికన్ ఎక్స్‌ప్రెస్ బ్యాంకు క్రెడిట్ కార్డుపై రూ.6,999 ఆఫర్ ఉంది. దాంతో మీరు ఫైండ్‌ ఎక్స్‌8ను 63 వేలకు సొంతం చేసుకోవచ్చు. అంతేకాదు కూపన్స్ కూడా మీకు లభిస్తాయి. ఇక ఈఎంఐ ఆప్షన్ కూడా ఉంది. ఒప్పో ఫైండ్‌ ఎక్స్‌ 8 ప్రో 16జీబీ+512జీబీ వేరియంట్ పై కూడా ఇవే ఆఫర్స్ ఉన్నాయి. పెరల్‌ వైట్‌, స్పేస్‌ బ్లాక్‌ రంగుల్లో అందుబాటులో ఉన్నాయి.

ఫైండ్‌ ఎక్స్‌8 ఫోన్ 6.59 ఇంచెస్ ఎల్‌టీపీఓ అమోలెడ్‌ డిస్‌ప్లే వచ్చింది. 120 హెచ్‌జెడ్‌ రిఫ్రెష్‌ రేటు, 4500 నిట్స్‌ పీక్‌ బ్రైట్‌నెస్‌ను ఇచ్చారు. ఔటాఫ్‌ ది బాక్స్ ఆండ్రాయిడ్‌ 15 ఆధారిత కలర్‌ ఓఎస్‌ 15తో రన్ అవుతుంది. మీడియాటెక్‌ డైమెన్‌సిటీ 9400 చిప్‌సెట్‌తో వచ్చింది. 50 ఎంపీ సోనీ ఎల్‌టీవై-700 మెయిన్ కెమెరా, 50 ఎంపీ అల్ట్రావైడ్‌ యాంగిల్‌ కెమెరాతో పాటు 50 ఎంపీ పెరిస్కోప్‌ టెలిఫొటో లెన్స్‌ ఇచ్చారు. వీడియో కాల్స్ కోసం ముందువైపు 32 ఎంపీ కెమెరా ఇచ్చారు. ఫైండ్‌ ఎక్స్‌8లో 5630 ఎంఏహెచ్‌ బ్యాటరీని ఉండగా.. 80 వాట్స్ ఫాస్ట్ ఛార్జింగ్‌కు, 50 వాట్స్ ఎయిర్‌వూక్‌ ఛార్జింగ్‌కు సపోర్ట్ చేస్తుంది.

ఫైండ్‌ ఎక్స్‌8 ప్రోలో 6.78 ఇంచెస్ ఎల్‌టీపీఓ అమోలెడ్‌ డిస్‌ప్లేను ఇవ్వగా.. 120 హెచ్‌జెడ్‌ రిఫ్రెష్‌ రేటు, 4500 నిట్స్‌ పీక్‌ బ్రైట్‌నెస్‌ ఈ స్క్రీన్ సొంతం. ఆండ్రాయిడ్‌ 15 ఆధారిత కలర్‌ ఓఎస్‌ 15, మీడియాటెక్‌ డైమెన్‌సిటీ 9400 చిప్‌సెట్‌ను ఇచ్చారు. ఇందులో నాలుగు కెమెరాలను ఇచ్చారు. 50 ఎంపీ సోనీ ఎల్‌వైటీ-808 కెమెరా, 50 ఎంపీ అల్ట్రావైడ్‌ యాంగిల్ కెమెరా, 50 ఎంపీ పెరిస్కోపిక్‌ 3ఎక్స్‌ ఆప్టికల్‌ జూమ్‌, 6 ఎక్స్‌జూమ్‌ 50 ఎంపీ సెన్సర్‌ ఉన్నాయి. సెల్ఫీల కోసం 32 ఎంపీ కెమెరా ఉంది. ఎక్స్‌8 ప్రోలో 5910 ఎంఏహెచ్‌ బ్యాటరీని ఇవ్వగా.. 80 వాట్స్ ఫాస్ట్ ఛార్జింగ్‌కు, 50 వాట్స్ ఎయిర్‌వూక్‌ ఛార్జింగ్‌కు సపోర్ట్ చేస్తుంది. అదనంగా 10 వాట్స్ రివర్స్‌ ఛార్జింగ్‌ ఫీచర్ ఉంది. రెండు ఫోన్లలో అలర్ట్‌ స్లయిడర్‌ ఉండగా.. ఐపీ68/ఐపీ69 రేటింగ్‌తో వచ్చాయి.