Jio Diwali Offer: దీపావళి ఆఫర్.. బీఎస్ఎన్‌ఎల్‌కు పోటీగా జియో చీపెస్ట్ రీఛార్జ్ ప్లాన్..!

Jio Diwali Offer: దేశంలో అత్యధిక వినియోగదారులున్న టెలికాం కంపెనీ రిలయన్స్ జియో దీపావళి ఆఫర్ కింద ఉచిత ఇంటర్నెట్ సౌకర్యాన్ని అందిస్తోంది. సెప్టెంబర్‌లోనే కంపెనీ ఎయిర్‌ఫైబర్‌తో 1 సంవత్సరానికి ఉచిత ఇంటర్నెట్ ప్లాన్‌ను ప్రవేశపెట్టింది. అదే సమయంలో దీపావళికి ముందు జియో అనేక ప్రత్యేక ప్లాన్‌లను కస్టమర్స్‌కి ఇంట్రడ్యూస్ చేసింది. వీటిలో ఒకటి చాలా చౌకైన ప్లాన్ కూడా ఉంది. ఇది వినియోగదారులకు అపరిమిత డేటా ప్లాన్‌ను అందిస్తోంది. ఇది వినియోగదారులకు తక్కువ ఖర్చుతో ఎక్కువ ఇంటర్నెట్‌ను ఉపయోగించుకునే అవకాశం కల్పిస్తోంది.

ఇంటర్నెట్ డేటా ఎక్కువగా ఉపయోగించే కస్టమర్లకు బాగా ఉపయోగపడే ఆ రీచార్జ్ ప్లాన్ ఖరీదు రూ. 101. జియో సరసమైన డేటా ప్లాన్ తక్కువ ధరకు అపరిమితమైన 5G డేటాను అందిస్తోంది. అన్‌లిమిటెడ్ అప్‌గ్రేడ్ ప్లాన్ కింద జియో ఈ రూ.101 ప్లాన్‌ని ప్రవేశపెట్టబడింది. దీని అపరిమిత 5G డేటాను జియో 5G నెట్‌వర్క్ కనెక్టివిటీ అందుబాటులో ఉన్న వినియోగదారులు మాత్రమే పొందగలరు అనే విషయాన్ని గ్రహించాల్సి ఉంటుంది.

ప్రతి రోజూ 1GB నుండి 1.5 GB డేటాను వినియోగించుకునే కస్టమర్లకు మరింత ఇంటర్నెట్ అవసరం అనుకుంటే రూ. 101 ప్లాన్‌ రీచార్జ్ చేసుకుని అదనపు డేటాను పొందవచ్చు.