iQOO Z9 Turbo: 6,400mAh బ్యాటరీతో ఐక్యూ కొత్త ఫోన్.. అట్రాక్ట్ చేస్తున్న ఫీచర్లు

iQOO Z9 Turbo: ఐక్యూ ఈ సంవత్సరం మొదటి త్రైమాసికంలో చైనాలో iQOO Z9x, Z9, Z9 టర్బో స్మార్ట్‌ఫోన్‌లను విడుదల చేసింది. బ్రాండ్ నుండి టర్బో మోడల్ స్నాప్‌డ్రాగన్ 8s Gen 3 చిప్, 6,000mAh బ్యాటరీతో ఉంటుంది. సెప్టెంబర్‌లో బ్రాండ్ చైనాలో డైమెన్సిటీ 9300 ప్లస్ చిప్, పెద్ద 6,400mAh బ్యాటరీతో ప్యాక్ చేసిన Z9 టర్బో+ని తీసుకురానుంది. ఇప్పుడు కంపెనీ కొత్త iQOO Z9 టర్బో వేరియంట్‌ను పరిచయం చేసే అవకాశాలు ఉన్నాయి. ఈ వేరియంట్ ఇటీవల 3C సర్టిఫికేషన్‌లో కనిపించింది.

iQOO Z9 Turbo కొత్త వేరియంట్ 3C సర్టిఫికేషన్ పొందింది. ప్రస్తుత Z9 టర్బో మోడల్ నంబర్ V2352Aని కలిగి ఉన్నందున, V2352GA Z9 Turboపై ఆధారపడి ఉండే అవకాశాలున్నాయి. కొత్త ఫోన్ 80W ఛార్జర్‌తో రానున్నట్లు తెలుస్తోంది. 3C సర్టిఫికేషన్ పొందిన తర్వాత హ్యాండ్‌సెట్‌ను ఈ నెలాఖరులో చైనాలో అధికారికంగా ప్రారంభించే అవకాశాలు కనిపిస్తున్నాయి.

iQOO ఫోన్‌ల గురించి మాట్లాడితే బ్రాండ్ iQOO నియో 10, నియో 10 ప్రోలను నవంబర్ చివరి నాటికి చైనాలో లాంచ్ చేయాలని భావిస్తున్నారు. బెస్ట్ పర్‌ఫార్మెన్స్ కోసం నియో 10, 10 ప్రోలు వరుసగా స్నాప్‌డ్రాగన్ 8 జెన్ 3, డైమెన్సిటీ 9400 చిప్‌సెట్ ఉపయోగిస్తున్నారు. రాబోయే Z9 టర్బో వేరియంట్‌ విషయానికొస్తే.. ఇందులో కూడా Z9 Turbo వలె అదే Snapdragon 8s Gen 3 చిప్‌ని ఉపయోగిస్తున్నారని తెలుస్తోంది.

అప్‌కమింగ్ స్మార్ట్ ఫోన్స్ గురించి ఎప్పటికప్పుడు ముందే డీటేయిల్స్ లీక్ చేసే చైనీస్ టిప్‌స్టర్ ప్రకారం.. Vivo V235GA ఫోన్‌ను iQOO Z9 టర్బో లాంగ్-లైఫ్ వెర్షన్ (మెషిన్-ట్రాన్స్‌లేటెడ్) అని పిలుస్తారు. ఇది Z9 Turbo+ ఫోన్‌లో అందుబాటులో ఉన్న 6,400mAh బ్యాటరీని కలిగి ఉండవచ్చని పోస్ట్‌లో వెల్లడించారు. ఈ ఫోన్‌లో మిగిలిన ఫీచర్స్ సాధారణ Z9 టర్బో మాదిరిగానే ఉండే అవకాశం ఉంది.

ఈ స్మార్ట్‌ఫోన్ 6.78 అంగుళాల ఫ్లాట్ OLED ప్యానెల్‌ను కలిగి ఉంది. ఇది 1.5K రిజల్యూషన్, 144Hz రిఫ్రెష్ రేట్‌ను ఇస్తుంది. ముందు భాగంలో 16-మెగాపిక్సెల్ కెమెరా, వెనుకవైపు 50-మెగాపిక్సెల్ + 8-మెగాపిక్సెల్ డ్యూయల్ కెమెరా సిస్టమ్‌ను అమర్చారు. పరికరం గరిష్టంగా 16GB వరకు LPDDR5x RAM, 512GB వరకు UFS 4.0 స్టోరేజ్ కలిగి ఉంది.